ఆనియన్‌ ఎగ్‌ రింగ్స్‌

కావలసిన పదార్థాలు గుడ్లు: రెండు, ఉల్లిగడ్డ: ఒకటి (పెద్దది), పచ్చిమిర్చి: రెండు, టమాట: ఒకటి (చిన్నది), కారం: అర టీస్పూన్‌, పసుపు: పావు టీస్పూన్‌, కొత్తిమీర తురుము: కొద్దిగా, శనగపిండి: ఒక టీస్పూన్‌, మిరియాల పొడి: పావు టీస్పూన్‌, ఉప్పు: తగినంత, నూనె: కొద్దిగా

కావలసిన పదార్థాలు

గుడ్లు: రెండు, ఉల్లిగడ్డ: ఒకటి (పెద్దది), పచ్చిమిర్చి: రెండు, టమాట: ఒకటి (చిన్నది), కారం: అర టీస్పూన్‌, పసుపు: పావు టీస్పూన్‌, కొత్తిమీర తురుము: కొద్దిగా, శనగపిండి: ఒక టీస్పూన్‌, మిరియాల పొడి: పావు టీస్పూన్‌, ఉప్పు: తగినంత, నూనె: కొద్దిగా

తయారీ విధానం
ఉల్లిగడ్డను అడ్డంగా కోసి గుండ్రని రింగులను పక్కన పెట్టి మిగతా ముక్కలను సన్నగా తరగాలి. ఒక గిన్నెలో గుడ్లలోని సొన వేసి, అందులో ఉల్లి తరుగు, సన్నగా తరిగిన పచ్చిమిర్చి, టమాట ముక్కలు, కొత్తిమీర తురుము, శనగపిండి, కారం, మిరియాలపొడి, ఉప్పు, పసుపు వేసి బాగా కలుపుకోవాలి. స్టవ్‌మీద పాన్‌పెట్టి ఒక టేబుల్‌ స్పూన్‌ నూనెవేసి వేడయ్యాక ఉల్లి రింగులను ఉంచి వాటి మధ్యలో ఇందాక కలుపుకొన్న గుడ్ల మిశ్రమాన్ని వేయాలి. సన్నని మంటపై రెండువైపులా కాల్చుకుంటే నోరూరించే ఆనియన్‌ ఎగ్‌ రింగ్స్‌ సిద్ధం.