Dondakaya 65 Recipe | దొండకాయ-65 తయారీ విధానం

Dondakaya 65 Recipe | దొండకాయ-65 తయారీకి కావలసిన పదార్థాలు

దొండకాయలు: పావు కిలో, పచ్చిమిర్చి: ఆరు, అల్లం: అంగుళం ముక్క, కారం: ఒక టీస్పూన్‌, పసుపు: చిటికెడు, జీలకర్ర: ఒక టీస్పూన్‌, బియ్యపు పిండి: ఒక టేబుల్‌ స్పూన్‌, శనగపిండి: రెండు టేబుల్‌ స్పూన్లు, ఉప్పు: తగినంత, పల్లీలు: పావు కప్పు, కరివేపాకు: రెండు రెబ్బలు, గరంమసాలా: పావు టీస్పూన్‌, వేయించిన జీలకర్ర పొడి: పావు టీస్పూన్‌, నూనె: వేయించడానికి సరిపడా.

Dondakaya 65 Recipe | దొండకాయ-65 తయారీ విధానం

దొండకాయల్ని నిలువునా నాలుగు ముక్కలుగా కోయాలి. స్టవ్‌మీద గిన్నెపెట్టి అర లీటరు నీళ్లు వేడిచేసి దొండకాయ ముక్కల్ని రెండు నిమిషాలు మరిగించి వడకట్టాలి. మిక్సీ జార్లో పచ్చిమిర్చి, అల్లం వేసి మెత్తగా పేస్ట్‌ చేయాలి. ఒక గిన్నెలో దొండకాయ ముక్కలు, పచ్చిమిర్చి ముద్ద, జీలకర్ర, ఉప్పు, కారం, పసుపు, శనగపిండి, బియ్యపు పిండి వేసి బాగా కలపాలి. అవసరమైతే తప్ప నీళ్లు చల్లకూడదు. స్టవ్‌మీద కడాయి పెట్టి వేయించడానికి సరిపడా నూనెపోసి వేడయ్యాక దొండకాయ ముక్కల్ని దోరగా కాల్చాలి. అదే కడాయిలో పల్లీలు, కరివేపాకు కూడా వేయించాలి. ఒక గిన్నెలో వేయించిన దొండకాయ ముక్కలు, పల్లీలు, కరివేపాకు, పావు టీస్పూన్‌ కారం, గరం మసాలా, జీలకర్ర పొడి, చిటికెడు ఉప్పు వేసి బాగా కలిపితే చాలు.

Read More Recipes :

Aloo Mirchi Bajji Recipe | ఆలూ మిర్చి బజ్జి తయారీ విధానం

Masala Panner fry Recipe | మసాలా పనీర్‌ ఫ్రై తయారీ విధానం