కొబ్బరిపాలు: మూడు కప్పులు, చికెన్: అరకిలో, ఉల్లిగడ్డ: ఒకటి, అల్లంవెల్లుల్లి పేస్ట్: ఒక టేబుల్ స్పూన్, కారం: రెండు టీస్పూన్లు, గరం మసాలా, ధనియాల పొడి, వేయించిన జీలకర్ర పొడి: ఒక టీస్పూన్ చొప్పున, పసుపు: ఒక టీస్పూన్, మిరియాల పొడి: పావు టీస్పూన్, ఉప్పు: తగినంత, నూనె: పావు కప్పు, పచ్చిమిర్చి: నాలుగు, కరివేపాకు: రెండు రెబ్బలు, యాలకులు: నాలుగు, లవంగాలు: ఎనిమిది, దాల్చిన చెక్క: రెండంగుళాల ముక్క, అనాస పువ్వు: చిన్నముక్క, బిర్యానీ ఆకు: ఒకటి, మిరియాలు: అర టీస్పూన్, ఆవాలు: అర టీస్పూన్, సోంపు: అర టీస్పూన్, కొత్తిమీర తురుము: కొద్దిగా, ఎండుమిర్చి: రెండు.
ఒక గిన్నెలో చికెన్, కారం, గరం మసాలా, అల్లంవెల్లుల్లి పేస్ట్, ధనియాల పొడి, మిరియాల పొడి, జీలకర్ర పొడి, పసుపు, నాలుగు లవంగాలు, రెండు యాలకులు, అంగుళం దాల్చిన చెక్క ముక్క, కరివేపాకు, పచ్చిమిర్చి చీలికలు, ఒక టేబుల్ స్పూన్ నూనె కలిపి ఓ కప్పు కొబ్బరిపాలు పోయాలి. తర్వాత, మరోసారి కలగలిపి నాలుగు గంటలపాటు నానబెట్టాలి. మిరియాలు, నాలుగు లవంగాలు, రెండు యాలకులు, అనాస పువ్వు, బిర్యానీ ఆకు, దాల్చిన చెక్కను మెత్తగా పొడి చేసుకోవాలి. స్టవ్మీద కడాయి పెట్టి నూనెవేసి వేడయ్యాక ఆవాలు, సోంపు, దంచిన మసాలా, సన్నగా తరిగిన ఉల్లిగడ్డ ముక్కలు, ఎండు మిర్చి, కరివేపాకు వేసి.. బాగా వేగాక నానబెట్టిన చికెన్ కలిపి మూతపెట్టి, సన్నని మంటపై ఐదు నిమిషాలు ఉడికించాలి. నూనె పైకి తేలేవరకు ఉడికిన తర్వాత.. మిగతా రెండు కప్పుల కొబ్బరిపాలు పోసి దగ్గరపడేవరకు ఉడికించాలి. చివరగా కొత్తిమీర చల్లుకుంటే నోరూరించే కొబ్బరిపాల చికెన్ సిద్ధం.
Apollo Chicken Recipe | అపోలో చికెన్ తయారీ విధానం”
“Chicken Keema Sandwich Recipe | చికెన్ కీమా సాండ్విచ్ తయారీ విధానం”
“lemon chicken lollipops Recipe | లెమన్ చికెన్ లాలీపాప్ తయారీ విధానం”
చికెన్ ఆలూ కుర్మా తయారీ విధానం”