Hey Kannamma | యశ్ మాస్టర్, ధనశ్రీ వర్మ జోడిగా ‘హే కన్నమ్మ’.. టీజర్ విడుదల!

Hey Kannamma | ప్రముఖ టాలీవుడ్ నిర్మాత దిల్ రాజు నిర్మాణంలో, నూతన దర్శకుడు శశికుమార్ ఎం దర్శకత్వంలో తెరకెక్కుతున్న మ్యూజికల్ రొమాంటిక్ ఎంటర్‌టైనర్ సినిమా ‘హే కన్నమ్మ’.

Hey Kannamma | ప్రముఖ టాలీవుడ్ నిర్మాత దిల్ రాజు నిర్మాణంలో, నూతన దర్శకుడు శశికుమార్ ఎం దర్శకత్వంలో తెరకెక్కుతున్న మ్యూజికల్ రొమాంటిక్ ఎంటర్‌టైనర్ సినిమా ‘హే కన్నమ్మ’. తాజాగా ఈ చిత్రానికి సంబంధించిన టీజర్‌ను మేకర్స్ విడుదల చేయడంతో సినిమాపై అంచనాలు మరింత పెరిగాయి. మొదట ఈ సినిమాను ‘ఆకాశం దాటి వస్తావా’ అనే టైటిల్‌తో ప్రకటించినప్పటికీ, కథ మరియు సంగీతానికి తగినట్లుగా ఉండేలా మేకర్స్ ఈ టైటిల్‌ను ‘హే కన్నమ్మ’గా మార్చారు.

ప్రముఖ కొరియోగ్రాఫర్ యశ్వంత్ (యశ్ మాస్టర్) ఈ చిత్రంతో హీరోగా టాలీవుడ్‌కు పరిచయమవుతుండగా, ప్రసిద్ధ సోషల్ మీడియా ఇన్‌ఫ్లుయెన్సర్ మరియు డ్యాన్సర్ ధనశ్రీ వర్మ ఈ సినిమా ద్వారా తెలుగు తెరపై కథానాయకిగా అడుగుపెడుతున్నారు. తాజాగా విడుదలైన టీజర్ అందరినీ ఆకట్టుకునేలా ఉంటూ, డ్యాన్స్ మరియు మ్యూజిక్‌కు ఈ చిత్రంలో ఎంత ప్రాధాన్యత ఉందో స్పష్టం చేస్తోంది. ఈ లవ్ అండ్ రొమాంటిక్ డ్రామాను నవంబర్ 27, 2026 న థియేటర్లలో భారీ ఎత్తున విడుదల చేయడానికి చిత్ర యూనిట్ సన్నాహాలు చేస్తోంది.