S.S.Rajamouli | రాజ‌మౌళి సినిమాలు ఎందుకంత స్పెష‌ల్‌గా ఉంటాయి!

సినిమాల యందు రాజ‌మౌళి సినిమాలు వేర‌యా. మాస్ట‌ర్ మైండ్ ఆఫ్ ఇండియ‌న్ సినిమా. అస‌లు హీరోల‌తో, క‌థ‌ల‌తో సంబంధంలేకుండా పోస్ట‌ర్ మీద రాజ‌మౌళి పేరు క‌నిపిస్తే చాలు జ‌నం థియేట‌ర్ల‌కు ప‌రుగులు తీస్తారు.

S.S.Rajamouli | సినిమాలందు రాజ‌మౌళి సినిమాలు వేర‌యా. మాస్ట‌ర్ మైండ్ ఆఫ్ ఇండియ‌న్ సినిమా. అస‌లు హీరోల‌తో, క‌థ‌ల‌తో సంబంధంలేకుండా పోస్ట‌ర్ మీద రాజ‌మౌళి పేరు క‌నిపిస్తే చాలు జ‌నం థియేట‌ర్ల‌కు ప‌రుగులు తీస్తారు. రాజ‌మౌళి సినిమాల‌కు ప్రేక్ష‌కుడు టిక్కెట్ కోసం ఎంత ఖ‌ర్చు పెట్టిన.. దానికి రెట్టింపు ఎంట‌ర్టైన‌మెంట్‌ ఆయ‌న సినిమాలో ఉంటుందని ప్రేక్ష‌కులు భావిస్తుంటారు. రాజ‌మౌళి టేకింగ్‌గాని, విజ‌న్ గాని ప్రేక్ష‌కుడి ఆలోచ‌నా స్థాయికి అంద‌నంత ఎత్తులో ఉంటుంది. ‘బాహుబ‌లి’ సినిమాతో రాజ‌మౌళి తెలుగు సినిమాను ప్ర‌పంచ స్థాయిలో నిల‌బెట్టాడు. రాజ‌మౌళి సినిమాలు ప్రేక్ష‌కులను ఎందుకు అంత‌లా ఆక‌ట్టుకుంటాయి. రాజ‌మౌళి స‌క్సెస్‌కు ఫార్ములా ఎంట‌నేవి కొన్ని విష‌యాల‌ను తెలుసుకుందాం.

ఎమోష‌న్‌:
రాజ‌మౌళి సినిమాల‌లో ముఖ్యంగా ఉండేది ఎమోష‌న్‌. సినిమాను ముందుకు న‌డిపేది ఎమోష‌న్ మాత్ర‌మే అని రాజ‌మౌళి కొన్ని ఇంట‌ర్వూల‌లో చెప్పాడు.విక్ర‌మార్కుడు సినిమాలో తండ్రి- కూతురు సెంటిమెంట్‌, ఛ‌త్ర‌ప‌తిలో అమ్మ సెంటిమెంట్‌, మ‌గ‌ధీర సినిమాలో ప్రియురాలిని ద‌క్కించుకోవాల‌నే ఎమోష‌న్ ఇక ఆర్ఆర్ఆర్‌లో దేశ‌భ‌క్తి, ఫ్రెండ్‌షిప్ ఎమోష‌న్ ఇలా ప్ర‌తి ఒక్క సినిమాలో ఈయ‌న ఎమోష‌న్‌కు పెద్ద పీఠ వేస్తాడు.

ఎలివేష‌న్‌:
ఎలివేష‌న్‌ను ఎక్క‌డ ఎలివేట్ చేయ్యాలో రాజ‌మౌళి కంటే బాగా ఎవ‌రికి తెలియ‌దు అన్న‌ట్లు కొన్ని సార్లు అనిపిస్తుంటుంది. రాజ‌మౌళి హీరోలు మొద‌టి నుంచి బలాన్ని ప్ర‌ద‌ర్శించ‌రు. మొద‌ట ఒక‌డి కింద బ‌త‌క‌డమో, బ‌య‌ప‌డ‌టం వంటివి ఈయ‌న‌ సినిమాల‌లో ఎక్కువ‌గా క‌నిపిస్తుంటాయి. కానీ అవ‌స‌రం వ‌చ్చిన‌ప్పుడు మాత్రం హీరో ఒక ర‌క్ష‌కుడిగా విల‌న్‌ల‌ను ఎదిరించేలా మార‌తాడు. అప్పుడు వ‌చ్చే ఎలివేష‌న్ సినిమాను ఒక్క‌సారిగా హైలోకి తీసుకెళ్తుంద‌ని రాజ‌మౌళి అభిప్రాయం. రాజ‌మౌళి సినిమాల‌లో విల‌న్‌లు హీరోల‌కంటే బ‌లంగా, దృఢంగా ఉంటారు. ఎందుకంటే విల‌న్‌లు ఒకే దెబ్బ‌కు ప‌డిపోయేలా ఉండ‌ద్ద‌ని, వారిని కొట్టాలంటే హీరో త‌న శ‌క్తికి మించి పోరాడాల‌ని రాజ‌మౌళి ఒక ఇంట‌ర్వూలో తెలిపాడు.

ఇంట‌ర్వెల్‌:
రాజ‌మౌళి సినిమాల‌లో ఫ‌స్ట్ ఆఫ్ అంత ఒకెత్తైతే ఇంట‌ర్వెల్ మాత్రం మ‌రో ఎత్తు. అలా సాగిపోతున్న సినిమాల‌ను సినిమాను ఒక్క సారిగా ఇంట‌ర్వెల్‌తో మ‌రో రేంజ్‌కు తీసుకెళ్తాడు. ‘స్టూడెంట్ నెంబ‌ర్-1’ సినిమాలో నేను ఒక హంత‌కుడిని అని తార‌క్‌ చెప్పే డైలాగ్ అప్ప‌టి వ‌ర‌కు సినిమా చూస్తున్న ప్రేక్ష‌కుల‌కు ఒక ఆస‌క్తిని క్రియేట్ చేస్తాడు.విక్ర‌మార్కుడు సినిమాలో ఇంట‌ర్వెల్ ఫైట్ గాని, ఛ‌త్ర‌ప‌తిలో గోడుగు ప‌ట్టే సీన్ కాని.. ఇలా ప్ర‌తి సినిమాలో తన మార్కు ఇంట‌ర్వెల్ ఉంటుంది.

విఎఫ్ఎక్స్:
ఇండియ‌న్ సినిమాలోనే విఎఫ్ఎక్స్‌ను రాజ‌మౌళి ఉప‌యోగించుకున్నంత ఎవ‌రు యూస్ చేయ‌రేమో అనిపిస్తుంది. అంత నాచ్యుర‌ల్‌గా ఈయ‌న వీఎఫ్ఎక్స్‌ను వాడుతుంటాడు. కంప్యూట‌ర్ గ్రాఫిక్స్‌గా ఒక్క సీన్‌ కూడా అనిపించదు. దీనికి ఎగ్జాంపుల్‌గా ఈగ సినిమానే చెప్ప‌వ‌చ్చు. ఈగ సినిమా మొత్తం వీఎఫ్ఎక్స్‌తోనే ఉంటుంది. కానీ చాలా వ‌ర‌కు స‌న్నివేశాలు నాచ్యుర‌ల్‌గా క‌నిపిస్తాయి. ఇక బాహుబ‌లి సినిమాలో కూడా అంతే అస‌లు వీఎఫ్ఎక్స్ అని మ‌నం అనుకోకుండా థియేట‌ర్లో కూర్చున్న మ‌న‌ల్ని ఆ ప్ర‌పంచ‌లోకి తీసుకెళ్తుంటాడు.

ఇవే కాకుండా రాజ‌మౌళి సినిమాలో ప్ర‌తి విష‌యం మ‌నల్ని ఆలోచింప‌చేస్తుంది. ఈయ‌న సినిమాలే కాదు ప్ర‌మోష‌న్లు కూడా గ్రాండ్‌గా ఉంటాయి. సినిమాను తీయ‌డానికి ఎంత కృషి,ప‌ట్టుద‌ల‌ పెడ‌తాడో ఆ సినిమాని ప్ర‌మోట్ చేయ‌డానికి కూడా రాజ‌మౌళి అంతే క‌ష్ట‌ప‌డ‌తాడు అని ఆయ‌న‌తో ప‌నిచేసిన న‌టులు చెప్తుంటారు. ఈయ‌నకు సినిమాలో ప్ర‌తి సీన్ ప్ర‌తి షాట్ 99.9 శాతం ఉన్న స‌రిపోదు. వంద శాతం కావాలి అంటూ ఎన్టీఆర్ తాజాగా జరిగిన ఇంట‌ర్వూలో చెప్పాడు. ఇక ఈయ‌న త‌న సినిమాల‌లో టెక్నీషియ‌న్ల‌ను కూడా ఎక్కువ‌గా మార్చ‌డు. ఆయ‌న మొద‌టి సినిమా నుంచి ఇప్ప‌టివ‌ర‌కు సంగీత ద‌ర్శ‌కుడిగా ఎమ్ఎమ్ కీర‌వాణి, ఎడిట‌ర్‌గా కోటగిరి వెంక‌టేశ్వ‌ర‌రావు అలాగే ఎక్కువ సినిమాల‌కు సినిమాటోగ్రాఫ‌ర్‌గా కే.కే సెంథిల్ కుమార్, ఆర్ట్ డైరెక్ట‌ర్‌గా సాబు సిరిల్‌, ఇలా త‌న సినిమాల‌లో టెక్నీషియ‌న్ల‌ను రిపీట్ చేస్తూ ఉంటాడు. ఈయ‌న ప్ర‌తి సినిమాకు త‌న తండ్రి కే. విజ‌యేంద్ర‌ప్ర‌సాద్ క‌థ‌ను అందిస్తుంటాడు.

ఈయ‌న ద‌ర్శ‌క‌త్వం వ‌హించిన ట్రిపుల్ఆర్ మ‌ర్చి 25న అత్యంత‌ గ్రాండ్‌గా విడుద‌ల కానుంది. రామ్‌చ‌ర‌ణ్‌, ఎన్టీఆర్ ప్ర‌ధాన పాత్ర‌ల్లో న‌టించారు. ఇండియాస్ బిగ్గెస్ట్ యాక్ష‌న్ మూవీగా తెర‌కెక్కిన ఆ చిత్రంలో బాలీవుడ్ స్టార్ అజ‌య్ దేవ‌గ‌న్ కీల‌క‌పాత్ర‌లో న‌టించాడు. ఆలీయాభ‌ట్‌, ఒలీవియా మొర్రిస్‌లు హీరోయిన్లుగా న‌టించారు. డివివి ఎంట‌ర్టైన‌మెంట్స్ బ్యాన‌ర్‌పై దాన‌య్య ఈ చిత్రాన్ని 550కోట్ల‌ భారీ బ‌డ్జెట్‌తో తెర‌కెక్కించాడు.

ఇవి కూడా చూడండి:

R.R.R Business | ‘ఆర్ఆర్ఆర్’ థియేట్రిక‌ల్ బిజినెస్.. ‘బాహుబ‌లి-2’కంటే 100కోట్లు ఎక్కువే సాధించాలి

Nithiin | నితిన్ క‌లెక్ట‌ర్‌గా ఫ‌స్ట్ ఛార్జ్ అప్పుడేన‌ట‌.. వైర‌ల్ అవుతున్న ఆర్డ‌ర్ లెట‌ర్

N.T.R | ఆ పాటంటే ఎన్టీఆర్‌కు చాలా ఇష్ట‌మ‌ట‌!