N.T.R | ఆ పాటంటే ఎన్టీఆర్‌కు చాలా ఇష్ట‌మ‌ట‌!

ప్ర‌స్తుతం ఎక్క‌డ చూసిన 'ఆర్ఆర్ఆర్' సంద‌డి. ఎప్పుడెప్పుడు సినిమాను థియేట‌ర్లో చూస్తామా అని  ప్రేక్ష‌కుల‌తో పాటు సినీప్ర‌ముఖులు ఎంత గానో ఎదురుచూస్తున్నారు.

N.T.R | ప్ర‌స్తుతం ఎక్క‌డ చూసిన ‘ఆర్ఆర్ఆర్’ సంద‌డి. ఎప్పుడెప్పుడు సినిమాను థియేట‌ర్లో చూస్తామా అని  ప్రేక్ష‌కుల‌తో పాటు సినీప్ర‌ముఖులు ఎంత గానో ఎదురుచూస్తున్నారు. ద‌ర్శ‌క దిగ్గ‌జం రాజ‌మౌళి తెర‌కెక్కించిన ఈ చిత్రం మార్చి 25న అత్యంత భారీగా విడుద‌ల కానుంది. ఈ క్ర‌మంలో చిత్ర బృందం ప్ర‌మోష‌న్ల‌ను జోరుగా జ‌రుపుతుంది. ప్రమోషన్ లో భాగంగా రామ్‌చ‌ర‌ణ్‌, ఎన్టీఆర్‌, రాజ‌మౌళి తీర‌క లేకుండా ఇంట‌ర్వూల‌లో పాల్గొంటూ.. సినిమాల‌కు సంబంధించిన‌వే కాకుండా వ్య‌క్తిగ‌త విష‌యాల‌ను కూడా పంచుకుంటున్నారు.

తాజాగా జ‌రిగిన ఇంట‌ర్వూలో ఎన్టీఆర్ త‌నకు ‘కేరాఫ్ కంచ‌ర‌పాలెం’ సినిమాలోని ‘ఆశా పాశం’ అనే సాంగ్ అంటే చాలా ఇష్ట‌మ‌ని, త‌న ప్లే లిస్ట్‌లో ఎక్కువ సార్లు విన్న పాట ఇదేనని వెల్ల‌డించాడు. అంతే కాకుండా ఈ పాట‌ను కూడా ఇంట‌ర్వూలో హ‌మ్ చేసాడు. దీనిపై ‘కేరాఫ్ కంచ‌ర‌పాలెం’ ద‌ర్శ‌కుడు వెంక‌టేష్ మాహా తమ సినిమా పాట‌ను ఎన్టీఆర్ అభిమానించడం త‌మ‌కు గ‌ర్వ‌కార‌ణం అంటూ మ‌హా చెప్పుకోచ్చాడు. మీరు ఆ మాట చెప్ప‌డంతో నాకు చాలా సంతృప్తిగా ఉంద‌ని వెంక‌టేష్ మాహా ట్విట్ట‌ర్లో వీడియోను షేర్‌ చేశాడు. ప్ర‌స్తుతం ఈ వీడియో వైర‌ల్ అవుతుంది.

Glad to know that #AasaPaasam is the most played song on your phone. Thank you @tarak9999 garu… you made my day. Wish you a great success with #RRR pic.twitter.com/kACWnAEKXV

— Venkatesh Maha (@mahaisnotanoun) March 23, 2022