హైదరాబాద్ : తెలంగాణ సినిమారంగ అభివృద్ధికి ఒక పాలసీని తీసుకురావాలనుకుంటున్నామని రాష్ట్ర చలనచిత్ర అభివృద్ధి సంస్థ చైర్మన్(FDC Chairman) అనిల్ కుర్మాచలం తెలిపారు. హైదరాబాద్ మాసబ్ట్యాంక్లోని కార్యాలయంలో ఎఫ్డీసీ ఆధ్వర్యంలో బలగం సినిమా బృందానికి(Balagam Movie Unit) అభినందన సభ నిర్వహించారు.ఈ సందర్భంగా సినీ బృందాన్ని సన్మానించి, జ్ఞాపికలను అందజేశారు.
తెలంగాణ పల్లె సంస్కృతి(Village Culture)ని అద్భుతంగా ఆవిష్కరించిన బలగం సినిమా చరిత్ర సృష్టించిందని ప్రశంసించారు. తెలుగు సినీరంగానికి కొత్త వారిని పరిచయం చేస్తూ ప్రతిభావంతుల్ని ప్రోత్సహించాలనే ఉద్దేశ్యంతో దిల్ రాజు ప్రొడక్షన్స్ బ్యానర్ను ప్రారంభించిన నిర్మాతలు హర్షిత్ రెడ్డి, హన్షిత రెడ్డిలను అభినందించారు. ఈ కార్యక్రమంలో నిర్మాత దిల్ రాజు, దర్శకుడు వేణు మాట్లాడారు. హీరో ప్రియదర్శి, హీరోయిన్ కావ్య, పాటల రచయిత శ్యామ్ కాసర్ల, గాయకురాలు మంగ్లీ, సినిమాటోగ్రాఫర్ ఆచార్య వేణు, ఎడిటర్ మధు, నటులు రచ్చ రవి, రూప లక్ష్మీ, ఎఫ్డీసీ సిబ్బంది డి. విజయ్, సంజీవ్ కుమార్, దేవ్ సింగ్ తదితరులు పాల్గొన్నారు.