Visit:
Waltair Veerayya Third Single | మెగాస్టార్‌ చిరంజీవి ప్రస్తుతం మెగా కంబ్యాక్‌ కోసం ఎదురు చూస్తున్నాడు. ‘ఖైదీ నం.150’తో గ్రాండ్‌గా రీ ఎంట్రీ ఇచ్చిన చిరుకు ‘సైరా’, ‘ఆచార్య’ ఫలితాలు తీవ్రంగా నిరాశపరిచాయి. ఇటీవలే భారీ అంచనాల నడుమ రిలీజైన ‘గాడ్‌ఫాదర్’ పాజిటీవ్‌ టాక్‌ తెచ్చుకుంది.. కానీ బాక్సాఫీస్‌ దగ్గర బ్రేక్ ఈవెన్‌ సాధించలేకపోయింది. ఇలా వరుసగా మూడు సినిమాలు బాక్సాఫీస్‌ దగ్గర బోల్తా కొట్టడంతో మెగాస్టార్‌ తీవ్రంగా నిరాశపడ్డాడు. ప్రస్తుతం చిరు ఆశలన్ని ‘వాల్తేరు వీరయ్య’ సినిమా పైనే ఉన్నాయి. బాబీ దర్శకత్వం వహిస్తున్న ఈ సినిమా వచ్చే ఏడాది జనవరి 13న ప్రేక్షకుల మందుకు రానుంది. ఈ క్రమంలో మేకర్స్‌ వరుస అప్‌డేట్‌లు ప్రకటిస్తూ ప్రేక్షకులలో క్యూరియాసిటీ క్రియేట్‌ చేస్తున్నారు. తాజాగా మేకర్స్‌ థర్డ్‌ సింగిల్‌ అప్‌డేట్‌ను ప్రకటించారు.
‘వీరయ్య’ అంటూ సాగే టైటిల్‌ సాంగ్‌ను డిసెంబర్‌ 26న రిలీజ్‌ చేస్తున్నట్లు చిత్రబృందం పోస్టర్‌ను విడుదల చేసింది. గ్యాంగ్‌లీడర్‌లోని పోస్టర్‌ను రీ క్రియేట్‌ చేశారు. ఇప్పటికే రిలీజైన ‘బాస్‌ పార్టీ’, ‘శ్రీదేవి-చిరంజీవి’ పాటలకు ప్రేక్షకుల నుండి విశేష స్పందన వచ్చింది. ఈ సినిమాలో చిరంజీవి యూనియన్‌ లీడర్‌గా కనిపించనున్నట్లు టాక్‌. యాక్షన్ ఫ్యామిలీ ఎంటర్‌టైనర్‌గా తెరకెక్కిన ఈ సినిమాను మైత్రీ సంస్థ నిర్మించింది. రవితేజ కీలక పాత్రలో నటిస్తున్నాడు. ఇటీవలే రిలీజైన రవితేజ టీజర్‌కు మంచి రెస్సాన్స్‌ వచ్చింది. ఈ సినిమాలో రవితేజ పోలీస్‌ అధికారిగా కనిపించనున్నాడు. చిరుకు జోడీగా శృతిహాసన్‌ నటిస్తోంది. దేవీ శ్రీ ప్రసాద్‌ సంగీతం అందిస్తున్న ఈ చిత్రం జనవరి 13న రిలీజ్‌ కానుంది.
Get ready to witness Mass Moolavirat's Vishwaroopam 😎🔥
3rd single #VeerayyaTitleSong from #WaltairVeerayya out on 26th Dec 🔥💣#WaltairVeerayyaOnJan13th
Megastar @KChiruTweets @RaviTeja_offl @dirbobby @shrutihaasan @CatherineTresa1 @ThisIsDSP @konavenkat99 @SonyMusicSouth pic.twitter.com/HDxnqHJpyk— Mythri Movie Makers (@MythriOfficial) December 24, 2022
