VS11 | విశ్వక్‌ సేన్ మాస్‌ ట్రీట్‌.. ఉత్కంఠ రేకెత్తిస్తున్న గ్యాంగ్స్‌ ఆఫ్ గోదావరి గ్లింప్స్

Gangs Of Godavari Movie | ఆ మధ్య గంగానమ్మ దేవత దగ్గర అగ్గి కాగడను పట్టుకుని ఉన్న విశ్వక్‌ పోస్టర్‌ను రిలీజ్‌ చేసి వీర లెవల్లో హైప్‌ తీసుకొచ్చింది చిత్రబృందం.

Gangs Of Godavari Movie | ఇప్పుడున్న యంగ్‌ హీరోల్లో కాస్తో కూస్తో దూకుడు చూపిస్తున్న హీరో ఎవరైనా ఉన్నారంటే అది విశ్వక్‌ సేనే. ఓ వైపు నటుడిగా మరో వైపు దర్శకుడిగా విశ్వక్‌ రెండు పడవల ప్రయాణం చేస్తున్నాడు. ఈ మధ్యే ఆయన నటిస్తూ, దర్శకత్వం వహించిన దాస్‌ కా ధమ్‌కీ విడుదలైంది. తొలిరోజే ఈ సినిమాకు మిక్స్డ్‌ టాక్‌ వచ్చింది. అయితే పోటీగా చెప్పుకోదగ్గ సినిమాలేవి లేకపోవడంతో వారం వరకు బాగానే లాక్కొచ్చింది. ఇటీవల ఓటీటీలో రిలీజై అక్కడ కూడా మంచి రెస్పాన్స్‌ తెచ్చుకుంది. ప్రస్తుతం విశ్వక్‌ చేతిలో మూడు సినిమాలున్నాయి. అందులో సితార బ్యానర్‌లో తెరకెక్కుతున్న సినిమా ఒకటి.

ఆ మధ్య గంగానమ్మ దేవత దగ్గర అగ్గి కాగడను పట్టుకుని ఉన్న విశ్వక్‌ పోస్టర్‌ను రిలీజ్‌ చేసి వీర లెవల్లో హైప్‌ తీసుకొచ్చింది చిత్రబృందం. కాగా తాజాగా మేకర్స్‌ ఈ సినిమా టైటిల్‌ను ప్రకటిస్తూ గ్లింప్స్‌ను రిలీజ్‌ చేసింది. ఈ సినిమాకు గ్యాంగ్స్‌ ఆఫ్ గోదావరి టైటిల్‌ను ఫిక్స్‌ చేశారు. గ్లింప్స్‌తో సినిమాపై మేకర్స్‌ కాస్త క్లారిటీ ఇచ్చే ప్రయత్నం చేశారు. గోదావ‌రి ప్రాంతంలోని రౌడీ గ్యాంగ్స్ చుట్టూ తిరిగే పీరియ‌డ్ మూవీ ఇదని గ్లింప్స్‌తో స్పష్టమయింది. సినిమా మొత్తం గోదావరి ప్రాంతం చుట్టూ తిరుగుతుంది. మేము గోదారోళ్ళం.. మాట ఒక్కటే సాగదీస్తాం. తేడాలొస్తే నవ్వుతూ నరాలు లాగేస్తాం అంటూ విశ్వక్ చెప్పై డైలాగ్‌ అదిరిపోయింది.

గ్లింప్స్‌ రా, రస్టిక్‌గా ఉంది. ఫలక్‌నుమా దాస్‌ తర్వాత విశ్వక్‌ ఆ రేంజ్‌ మాస్‌ క్యారెక్టర్‌తో రాబోతున్నట్లు గ్లింప్స్‌తో స్పష్టమైంది. గ్లింప్స్‌లో ముఖ్యంగా యువన్ శంకర్‌ రాజా బ్యాక్‌గ్రౌండ్‌ మ్యూజిక్‌ వేరే లెవల్లో ఉంది. నేహా శెట్టి హీరోయిన్‌గా నటిస్తున్న ఈ సినిమాలో అంజలీ కీలకపాత్ర పోషిస్తుంది. రౌడీ ఫెలో, ఛల్ మోహన్‌రంగ వంటి సినిమాలు తీసిన కృష్ణ చైతన్య గ్యాంగ్స్‌ ఆఫ్‌ గోదావరి సినిమాకు దర్శకత్వం వహిస్తున్నాడు. సితారా బ్యానర్‌పై రూపొందుతున్న ఈ సినిమా డిసెంబర్‌లో రిలీజ్‌ కానుంది.