తండ్రి బాటలో నడిచే కొడుకు కథ

రామ్జ్‌ హీరోగా రూపొందుతున్న చిత్రం ‘ఫైటర్‌ రాజా’. కృష్ణప్రసాద్‌ వత్యం దర్శకుడు. దినేష్‌ యాదవ్‌, పుష్పక్‌ జైన్‌ నిర్మాతలు. గురువారం ఈ సినిమా టీజర్‌ను హీరో విశ్వక్‌సేన్‌ విడుదల చేశారు. తండ్రి అడుగుజాడల్లో నటించే కొడుకు కథే ఈ సినిమా అని టీజర్‌ చెబుతున్నది.

రామ్జ్‌ హీరోగా రూపొందుతున్న చిత్రం ‘ఫైటర్‌ రాజా’. కృష్ణప్రసాద్‌ వత్యం దర్శకుడు. దినేష్‌ యాదవ్‌, పుష్పక్‌ జైన్‌ నిర్మాతలు. గురువారం ఈ సినిమా టీజర్‌ను హీరో విశ్వక్‌సేన్‌ విడుదల చేశారు. తండ్రి అడుగుజాడల్లో నటించే కొడుకు కథే ఈ సినిమా అని టీజర్‌ చెబుతున్నది. హీరో కేరక్టరైజేషన్‌ ఈ సినిమాకు హైలైట్‌ అని మేకర్స్‌ చెబుతున్నారు. ‘ఈ సినిమాకు సంబంధించిన ప్రతిదీ చాలా ప్రామిసింగ్‌గా ఉంది. పోస్టర్‌ డిజైన్‌. కలర్‌ గ్రేడింగ్‌, విజువల్స్‌ అన్నీ బావున్నాయి. టీజర్‌ ఆసక్తికరంగా ఉంది. చాలారోజుల తర్వాత చంద్రశేఖర్‌ యేలేటి సినిమా వైబ్‌ ఈ టీజర్‌లో చూశాను. రామ్జ్‌లోని ప్రతిభ సర్‌ప్రైజ్‌ చేసింది. తప్పకుండా ఈ సినిమా హిట్‌ అవుతుంది’ అని విశ్వక్‌సేన్‌ శుభాకాంక్షలు అందించారు. ఇంకా చిత్ర యూనిట్‌ మాట్లాడారు. మాయాకృష్ణన్‌ కథానాయికగా నటిస్తున్న ఈ చిత్రంలో తనికెళ్ల భరణి, చక్రధర్‌, శివ నందు, రోషన్‌ తదితరులు ఇతర పాత్రధారులు. ఈ చిత్రానికి కెమెరా: శ్రీధర్‌ కాకిలేటి, సంగీతం: స్మరణ్‌ సాయి.