Virat-Anushka | ఆర్సీబీ టైటిల్ వేడుకల్లో విరాట్-అనుష్క డ్యాన్స్ వైరల్.. ఆకట్టుకుంటున్న స్టార్ కపుల్ సెలబ్రేషన్స్!

Virat-Anushka | ఐపీఎల్ 2026 సీజన్‌లో రాయల్ ఛాలెంజర్స్ బెంగళూరు మరోసారి తన ఆధిపత్యాన్ని చాటుకుంది. వరుసగా రెండో ఏడాది ఐపీఎల్ ట్రోఫీని సొంతం చేసుకుని చరిత్ర సృష్టించిన ఆర్సీబీ జట్టు విజయోత్సాహంలో మునిగిపోయింది. అహ్మదాబాద్‌లోని నరేంద్ర మోదీ స్టేడియంలో జరిగిన ఫైనల్లో గుజరాత్ టైటాన్స్‌పై ఘన విజయం సాధించిన అనంతరం ఆటగాళ్లు, అభిమానులు సంబరాలు చేసుకోగా, విరాట్ కోహ్లీ-అనుష్క శర్మ జంట చేసిన ప్రత్యేక సెలబ్రేషన్స్ ఇప్పుడు సోషల్ మీడియాలో వైరల్‌గా మారాయి

Virat-Anushka | ఐపీఎల్ 2026 సీజన్‌లో రాయల్ ఛాలెంజర్స్ బెంగళూరు మరోసారి తన ఆధిపత్యాన్ని చాటుకుంది. వరుసగా రెండో ఏడాది ఐపీఎల్ ట్రోఫీని సొంతం చేసుకుని చరిత్ర సృష్టించిన ఆర్సీబీ జట్టు విజయోత్సాహంలో మునిగిపోయింది. అహ్మదాబాద్‌లోని నరేంద్ర మోదీ స్టేడియంలో జరిగిన ఫైనల్లో గుజరాత్ టైటాన్స్‌పై ఘన విజయం సాధించిన అనంతరం ఆటగాళ్లు, అభిమానులు సంబరాలు చేసుకోగా, విరాట్ కోహ్లీ-అనుష్క శర్మ జంట చేసిన ప్రత్యేక సెలబ్రేషన్స్ ఇప్పుడు సోషల్ మీడియాలో వైరల్‌గా మారాయి.గుజరాత్ టైటాన్స్ నిర్దేశించిన లక్ష్యాన్ని ఛేదించే క్రమంలో విరాట్ కోహ్లీ మరోసారి తన క్లాస్‌ను చూపించాడు. ఒత్తిడిని ఏమాత్రం పట్టించుకోకుండా అద్భుత ఇన్నింగ్స్ ఆడిన కోహ్లీ 75 పరుగులతో అజేయంగా నిలిచి జట్టును విజయతీరాలకు చేర్చాడు.

చివరి వరకు క్రీజులో నిలిచి మ్యాచ్‌ను ముగించిన అతను ఆర్సీబీ అభిమానులకు మరో చిరస్మరణీయ క్షణాన్ని అందించాడు. విజయం ఖరారైన వెంటనే స్టేడియంలో సంబరాలు మొదలయ్యాయి. ఈ సందర్భంగా ఆర్సీబీ విడుదల చేసిన వీడియోలో విరాట్ కోహ్లీ, అనుష్క శర్మ, జట్టు మెంటార్ దినేష్ కార్తీక్ కలిసి డ్యాన్స్ చేస్తూ కనిపించారు. ఉత్సాహంతో స్టెప్పులు వేస్తూ కనిపించిన ఈ స్టార్ కపుల్ అభిమానుల హృదయాలను గెలుచుకుంది. ముఖ్యంగా విరాట్-అనుష్క కలిసి ఆనందాన్ని పంచుకున్న తీరు సోషల్ మీడియాలో పెద్ద ఎత్తున ప్రశంసలు అందుకుంటోంది.ఆర్సీబీ విజయ ప్రయాణంలో అనుష్క శర్మ ఎప్పుడూ జట్టుకు బలమైన మద్దతుగా నిలుస్తూ వస్తోంది. ఈ ఫైనల్ మ్యాచ్‌లో కూడా స్టాండ్స్‌లో కూర్చొని ప్రతి బంతిని ఆసక్తిగా వీక్షించిన ఆమె, విజయం సాధించిన వెంటనే ఆనందంతో ఉప్పొంగిపోయింది. ఇప్పుడు డ్యాన్స్ వీడియో వైరల్ కావడంతో అభిమానులు ఈ జంటపై ప్రేమను వ్యక్తం చేస్తున్నారు.

మ్యాచ్ అనంతరం జరిగిన ప్రెజెంటేషన్ కార్యక్రమంలో విరాట్ కోహ్లీ తన భావోద్వేగాలను పంచుకున్నాడు. జట్టుకు విజయాన్ని అందించే షాట్ తానే కొట్టాలని ఎన్నో సంవత్సరాలుగా కలలు కన్నానని, ఆ కల ఇప్పుడు నిజమైందని చెప్పాడు. ఫైనల్‌లో విజయం సాధించడం తన కెరీర్‌లో మరో ప్రత్యేక జ్ఞాపకంగా నిలిచిపోతుందని పేర్కొన్నాడు. అలాగే తన ఆటలో వచ్చిన మార్పుల గురించి కూడా కోహ్లీ ఆసక్తికర వ్యాఖ్యలు చేశాడు. ప్రస్తుతం ఐపీఎల్‌లోకి వస్తున్న యువ ఆటగాళ్లు తమ ప్రతిభతో పెద్ద సవాలు విసురుతున్నారని, వారి పోటీ కారణంగానే తాను మరింత దూకుడుగా ఆడాల్సి వస్తోందని తెలిపాడు. యువతరం ఆటగాళ్ల ఉత్సాహం తనను కూడా కొత్తగా ఆలోచించేలా చేసిందని పేర్కొన్నాడు.

𝗞𝗶𝗻𝗴 𝗞𝗼𝗵𝗹𝗶’𝘀 𝗺𝗮𝘀𝘁𝗲𝗿𝗰𝗹𝗮𝘀𝘀 𝗼𝗻 𝘁𝗵𝗲 𝗱𝗮𝗻𝗰𝗲 𝗳𝗹𝗼𝗼𝗿 😉

Pure vibes. Wholesome. And so much more. Anushka Sharma, thank you for being our Day 1. ❤️ pic.twitter.com/7Qmxxv6QtG

— Royal Challengers Bengaluru (@RCBTweets) June 1, 2026