మళ్లీ పెళ్లిచూపులు కాంబినేషన్‌?

విజయ్‌ దేవరకొండను హీరోగా నిలబెట్టిన సినిమా ‘పెళ్లి చూపులు’. చిన్న సినిమా రూపురేఖలు మార్చిన సినిమా అది. దర్శకుడిగా తరుణ్‌భాస్కర్‌కి మంచి పేరు తీసుకురావడంతోపాటు ఉత్తమ సంభాషణా రచయితగా జాతీయ అవార్డును కూడా అందించిందా సినిమా.

విజయ్‌ దేవరకొండను హీరోగా నిలబెట్టిన సినిమా ‘పెళ్లి చూపులు’. చిన్న సినిమా రూపురేఖలు మార్చిన సినిమా అది. దర్శకుడిగా తరుణ్‌భాస్కర్‌కి మంచి పేరు తీసుకురావడంతోపాటు ఉత్తమ సంభాషణా రచయితగా జాతీయ అవార్డును కూడా అందించిందా సినిమా. ఆ తర్వాత విజయ్‌ దేవరకొండ, తరుణ్‌భాస్కర్‌ ఇద్దరూ వారివారి ప్రాజెక్టులతో బిజీ అయిపోయారు. ఈ ఉపోద్ఘాతమంతా దేనికంటే.. మళ్లీ వీరిద్దరూ కలిసి పనిచేయబోతున్నట్టు ఫిల్మ్‌వర్గాల సమాచారం. ఇప్పటికే విజయ్‌కి తరుణ్‌భాస్కర్‌ కథ వినిపించాడట. విజయ్‌ కూడా ఓకే చెప్పాడట. ఇప్పటివరకూ చిన్న సినిమాలు చేసిన తరుణ్‌భాస్కర్‌ ఈ సినిమాతో పంథా మార్చి భారీ సినిమా చేయబోతున్నట్టు తెలుస్తున్నది. యాక్షన్‌తోపాటు తరుణ్‌భాస్కర్‌ ైస్టెల్‌ ఆఫ్‌ హ్యూమర్‌ కూడా కథలో ఉంటుందని వినికిడి. ఈ కాంబినేషన్‌లో సినిమా చేయడానికి ప్రస్తుతం చాలామంది నిర్మాతలు రెడీగా ఉన్నారు. మరి ఈ బాధ్యతను విజయ్‌ దేవరకొండ ఏ నిర్మాతకు అప్పజెబుతాడో చూడాలి.