Venky Atluri | సూపర్ 30కి ముందు సార్ కథ రాసుకున్నా : వెంకీ అట్లూరి

టాలీవుడ్ డైరెక్టర్ వెంకీ అట్లూరి (Venky Atluri) తెరకెక్కించిన సార్ (Sir) చిత్రం బాక్సాఫీస్‌ వద్ద మంచి వసూళ్లు రాబడుతూ టాక్‌ ఆఫ్ ది ఇండస్ట్రీగా నిలుస్తోంది. సార్‌ మూడు రోజుల్లోనే తెలుగు రాష్ట్రాల్లో ప్రాఫిట్‌ జోన్‌లోకి ఎంట్రీ ఇచ్చింది. అయితే ఈ సినిమా చూసిన వారిలో కొంతమంది హిందీ సినిమాలు సూపర్ 30, 3 ఇడియట్స్ కు పోలికలున్నాయని అభిప్రాయపడుతున్నారు.

కోలీవుడ్ స్టార్ హీరో ధనుష్ (Dhanush)‌ నటించిన స్ట్రెయిట్‌ తెలుగు సినిమా సార్ (Sir). తెలుగు, తమిళ భాషల్లో తెరకెక్కగా.. త‌మిళంలో వాథి (Vaathi) అనే టైటిల్‌తో విడుదలైంది. టాలీవుడ్ డైరెక్టర్ వెంకీ అట్లూరి (Venky Atluri) తెరకెక్కించిన ఈ చిత్రం బాక్సాఫీస్‌ వద్ద మంచి వసూళ్లు రాబడుతూ టాక్‌ ఆఫ్ ది ఇండస్ట్రీగా నిలుస్తోంది. సార్‌ మూడు రోజుల్లోనే తెలుగు రాష్ట్రాల్లో ప్రాఫిట్‌ జోన్‌లోకి ఎంట్రీ ఇచ్చింది.

అయితే ఈ సినిమా చూసిన వారిలో కొంతమంది హిందీ సినిమాలు సూపర్ 30, 3 ఇడియట్స్ కు పోలికలున్నాయని అభిప్రాయపడుతున్నారు. ఈ కామెంట్స్‌ పై ఓ ఇంటర్వ్యూలో క్లారిటీ ఇచ్చాడు వెంకీ అట్లూరి. తాను 1990లో చదువుకున్నానని, తన సొంత అనుభవాల నుంచి ఈ కథను రెడీ చేసుకున్నానని చెప్పాడు. అయితే సూపర్ 30 విడుదలైనపుడు తన కథకు దగ్గరగా ఉంటుందని కొంచెం భయపడ్డానని, సినిమా చూశాక సూపర్ 30కి తాను రాసుకున్న స్క్రిప్ట్‌కి ఎలాంటి సారుప్యతలు లేవని తెలుసుకున్న తర్వాత రిలాక్స్ అయ్యానని చెప్పుకొచ్చాడు.

ఈ కథలో ధనుష్‌ అయితేనే బాగుంటుందని ఎప్పుడూ అనుకుంటుండే వాడినని చెప్పుకొచ్చాడు వెంకీ అట్లూరి. తన స్క్రిప్ట్‌ విన్న తర్వాత ఎప్పుడు డేట్స్ కావాలంటే అప్పుడు ఇస్తానని ధనుష్‌ తనతో చెప్పాడని గుర్తు చేసుకున్నాడు. ధనుష్‌ నమ్మినట్టుగా సార్‌ ఇప్పుడు బ్లాక్ బస్టర్ సక్సెస్‌ అయ్యిందని చెప్పుకొచ్చాడు వెంకీ అట్లూరి.