Naga Shourya | టాలీవుడ్ యంగ్ హీరో నాగశౌర్య తాజాగా ఓ యువకుడితో రోడ్డు మీద గొడవపడ్డాడు. తను వెళ్తున్న దారిలో ఓ అబ్బాయి మరో అమ్మాయిని రోడ్డు మీద కొడుతున్నాడని, కారు ఆపి ఆమెకు సారీ చెప్పాలని ఆ యువకుడితో గొడవకు దిగాడు. ఆ అమ్మాయి తన గర్ల్ఫ్రెండ్ అని చెప్తుండగా.. గర్లఫ్రెండ్ అయితే కొడతావా అంటూ ఆ అమ్మాయికి సారీ చెప్పాలని గొడవపడుతున్నాడు. ఆ అబ్బాయి వెళ్లిపోతుంటే చేయిని లాగి మరీ సారి చెప్పమంటూ అంటున్నాడు. ప్రస్తుతం ఈ వీడియో నెట్టింట తెగ వైరల్ అవుతుంది.
దీనిపై పలువురు నెటీజన్లు నాగశౌర్యను అభినందిస్తున్నారు. ఒక అమ్మాయిని కొడుతున్నారని కారు ఆపి గొడవకు దిగావంటే నువ్వు గ్రేట్ శౌర్య అంటూ కామెంట్స్ చేస్తున్నారు. మరికొందరు నాగశౌర్యను రియల్ హీరో అని పొగుడుతున్నారు. ఇక ఈ సంఘటన ఎక్కడ జరిగిందో తెలియాల్సి ఉంది. ఇక నాగశౌర్య ప్రస్తుతం ఫలానా అబ్బాయి ఫలానా అమ్మాయి అనే సినిమా చేస్తున్నాడు. శ్రీనివాస్ అవసరాల దర్శకత్వం వహించిన ఈ సినిమా షూటింగ్ ప్రస్తుతం చివరిదశలో ఉంది. ఇప్పటికే రిలీజైన టీజర్ సినిమాపై మంచి అంచనాలే క్రియేట్ చేశాయి. ఇక ఈ సినిమాలో నాగశౌర్యకు జోడీగా మాళవికా నాయర్ నటిస్తుంది.
నడిరోడ్డుపై యువతి మీద చెయ్యి చేసుకున్న యువకుడు…
ఎందుకు కొట్టావని నిలదీసిన హీరో నాగ శౌర్య!!#Nagashaurya #PAPA #PhalanaAbbayiPhalanaAmmayi pic.twitter.com/ephh5NjCp1
— Gulte (@GulteOfficial) February 28, 2023