Visit:
Tollywood | టాలీవుడ్లో ఇటీవల చోటుచేసుకున్న ఒక సంఘటన ఇప్పుడు ఫిల్మ్ నగర్ వర్గాల్లో తీవ్ర చర్చనీయాంశమైంది. ఒక ఎన్నారై నిర్మాత తన సినిమా ప్రమోషన్ల కోసం ఖర్చు చేసిన బకాయిలు చెల్లించకుండా అమెరికా చెక్కేయడం ఇండస్ట్రీలో హాట్ టాపిక్గా మారింది. ఇటీవల కాలంలో చాలామంది కొత్త నిర్మాతలు చిన్న సినిమాలతో టాలీవుడ్లోకి అడుగుపెడుతున్నారు. ఇదే క్రమంలో ఒక ఎన్నారై (NRI) నిర్మాత క్రీడా నేపథ్యంలో (Sports Drama) ఒక చిన్న చిత్రాన్ని నిర్మించారు. కొత్త నటీనటులతో తెరకెక్కిన ఈ సినిమాకు థియేటర్లలో మంచి టాక్ రావడమే కాకుండా, ఓటీటీలో కూడా ప్రేక్షకుల ఆదరణ లభించింది.
అయితే సినిమా విడుదలకు ముందు, విడుదల తర్వాత పబ్లిసిటీ కోసం సదరు నిర్మాత ఒక టీమ్ను నియమించుకున్నారు. సినిమాకు బజ్ క్రియేట్ చేసే క్రమంలో సదరు పబ్లిసిటీ టీం భారీగానే ఖర్చు చేసింది. అయితే సినిమా సక్సెస్ అయి, మంచి లాభాలు వచ్చినప్పటికీ.. నిర్మాత మాత్రం ప్రచార ఖర్చుల బకాయిలను క్లియర్ చేయకుండానే గుట్టుచప్పుడు కాకుండా అమెరికా వెళ్ళిపోయారు. బాకీ ఉన్న డబ్బుల కోసం పబ్లిసిటీ టీం ఆయనను కాంటాక్ట్ చేయడానికి ప్రయత్నించగా, ఫోన్లకు సరిగా స్పందించడం లేదని తెలుస్తోంది.
సాధారణంగా పెద్ద నిర్మాతలు ఒక పద్ధతి ప్రకారం (Systematic) పేమెంట్స్ పూర్తి చేస్తారు. కానీ, ఇలాంటి కొత్త నిర్మాతలు తమను నమ్మించి హ్యాండ్ ఇవ్వడంపై పబ్లిసిటీ ఏజెన్సీలు ఆవేదన వ్యక్తం చేస్తున్నాయి. సినిమా విజయం సాధించి పేరు వచ్చినప్పటికీ, ఇలాంటి వ్యవహారాల వల్ల కొత్తగా ఇండస్ట్రీకి వచ్చే నిర్మాతల పట్ల నమ్మకం సడలిపోతుందని సినీ వర్గాలు అభిప్రాయపడుతున్నాయి. ఈ వివాదంపై సదరు నిర్మాత ఎలా స్పందిస్తారో చూడాలి.
