Bandla Ganesh Tweet | బండ్ల గణేష్ పేరు తెలియని తెలుగు సినీ ప్రేక్షకుడు ఉండడేమో. నటుడుగా, ప్రొడ్యూసర్గా టాలీవుడ్లో ప్రత్యేక గుర్తింపు తెచ్చుకున్నాడు. ఈయన స్పీచ్లకైతే వీరాభిమానులు ఉన్నారు. అయితే బండ్ల గణేష్ కాంట్రవర్సీలకు కూడా దగ్గరగా ఉంటుంటాడు. ఈయన ఏది మాట్లాడినా అది క్షణాల్లో వైరల్ అవుతుంది. ఇక ఈ మధ్య సోషల్ మీడియాలో ఎప్పటికప్పుడు పోస్ట్లు పెడుతూ వార్తల్లో నిలుస్తున్నాడు. తాజాగా ఈయన చేసిన ట్వీట్ చర్చనీయాంశంగా మారింది.
‘తాతలు తండ్రులు ఉంటే సరిపోదు టాలెంట్ కూడా ఉండాలి. ఎన్టీఆర్లా, మహేష్ బాబులా, రామ్చరణ్లా, ప్రభాస్లా గుర్తుపెట్టుకో బ్రదర్’ అంటూ ట్వీట్ చేశాడు. అయితే ఈ ట్వీట్ను విజయ్ దేవరకొండకు ఉద్దేశించి పరోక్షంగా వార్నింగ్ ఇచ్చాడంటూ నెటీజన్లు కామెంట్స్ చేస్తున్నారు. ప్రస్తుతం ఈ ట్వీట్ వైరల్గా మారింది. కాగా విజయ్ దేవరకొండ ‘లైగర్’ ట్రైలర్ లాంచ్ ఈవెంట్లో ‘మీకు మా తాత తెల్వదు.. మా అయ్య తెల్వడు.. ఎవ్వడు తెల్వదు. రెండేళ్ళు అయితుంది సినిమా రిలీజై. ఆ ముందు రిలీజైన సినిమా కూడా పెద్ద చెప్పుకునేది కూడా కాదు. అయినా ట్రైలర్కు రచ్చేంద్రా నాయినా’ అంటూ విజయ్ చేసిన వ్యాఖ్యలు వైరల్ అయిన విషయం తెలిసిందే.
తాతలు తండ్రులు ఉంటే సరిపోదు టాలెంట్ కూడా ఉండాలి ఎన్టీఆర్ ల మహేష్ బాబు లా రామ్ చరణ్ లా ప్రభాస్ లా గుర్తుపెట్టుకో బ్రదర్ 🔥🔥🔥🔥 @AlwaysRamCharan @tarak9999 @urstrulyMahesh 🐅🐅🐅🐅
— BANDLA GANESH. (@ganeshbandla) July 22, 2022