Nani | మ‌ళ్లీ టీవీ షో చేయ‌నంటున్న నాని

టాలీవుడ్ (Tollywood) న‌టుడు నాని (Nani) కేవ‌లం సినిమాల‌తో వినోదాన్ని పంచ‌డమే కాదు..అవ‌స‌రమైతే టీవీ స్క్రీన్ పై కూడా క‌నిపిస్తుంటాడు. నాని వ్యాఖ్యాత‌గా వ్య‌వ‌హ‌రించిన‌ బిగ్ బాస్ 2 త‌ర్వాత కేవ‌లం సినిమాల‌కే ప‌రిమిత‌మైపోయాడు నాని.

September 14, 2021 / 09:25 PM IST

టాలీవుడ్ (Tollywood) న‌టుడు నాని (Nani) కేవ‌లం సినిమాల‌తో వినోదాన్ని పంచ‌డమే కాదు..అవ‌స‌రమైతే టీవీ స్క్రీన్ పై కూడా క‌నిపిస్తుంటాడు. నాని వ్యాఖ్యాత‌గా వ్య‌వ‌హ‌రించిన‌ బిగ్ బాస్ 2 ప్రేక్ష‌కుల‌ను ప‌సందైన వినోదాన్ని అందించింది. అయితే ఆ త‌ర్వాత కేవ‌లం సినిమాల‌కే ప‌రిమిత‌మైపోయాడు నాని. అయితే తాను మ‌ళ్లీ టీవీ షో (TV Shows) లో క‌నిపించ‌బోన‌ని చెబుతున్నాడు నాని.

ఓ యూట్యూబ్ ఛాన‌ల్ కు ఇచ్చిన ఇంట‌ర్వ్యూలో నాని మాట్లాడుతూ..ఏదైనా టీవీ షోను హోస్ట్ చేయ‌బోతున్నారా..? అన్న ప్ర‌శ్న‌కు స‌మాధాన‌మిస్తూ..లేదు..అలాంటి ప్ర‌ణాళిక‌లు ఏమి లేవు. ఓ సంస్థ‌కు కూడా ఇదే విష‌యం చెప్పాను. సోష‌ల్ మీడియాలో కూడా నేను ఏ టీవీ షోను హోస్ట్ చేయ‌డం లేద‌నే విష‌యం పోస్ట్ చేశాను. ఏదైనా షో చేయాలంటే దానిపై చాలా అంచ‌నాలుంటాయి. సినిమా మైండ్‌తో నిద్ర‌లేస్తా..సినిమా గురించే ఆలోచిస్తూ నిద్ర‌పోతా.

టీవీ షోల‌ను వేరే వ్య‌క్తులైతే నా క‌న్నా ఉత్త‌మంగా హ్యాండిల్ చేస్తారు. కానీ టీవీ షో చేసినందుకు నాకు ఎలాంటి పశ్చాత్తాపం లేదు. టీవీ షో హోస్ట్ చేయడం ద్వారా నేను చాలా సహనాన్ని అల‌వాటు చేసుకున్నాను. సినిమా స‌మావేశాలు, రివ్యూలు, నా ఇంటర్వ్యూల ప్రపంచంలో నివసించే నాలాంటి వ్యక్తికి ఇది టీవీ అనేది భిన్న‌మైన‌ ప్రపంచం అంటూ చెప్పుకొచ్చాడు నాని. ఈ స్టార్ హీరో ప్ర‌స్తుతం శ్యామ్ సింగ‌రాయ్‌, అంటే సుంద‌రానికి సినిమాలు చేస్తున్నాడు.