Benerjee | మోహ‌న్ బాబు నన్ను కొట్ట‌డానికి వ‌చ్చారు: బెన‌ర్జీ

'మా' ఎన్నిక‌ల‌ పోలింగ్ స‌మ‌యంలో త‌న‌పై జ‌రిగిన దాడి గురించి న‌టుడు బెన‌ర్జీ (Benerjee) ప్రెస్‌మీట్‌లో మాట్లాడారు. మోహ‌న్ బాబు (Mohan Babu) త‌న ప‌ట్ల అమానుషంగా ప్ర‌వ‌ర్తించార‌ని ఆవేద‌న వ్య‌క్తం చేశారు.

‘మా’ ఎన్నిక‌ల‌ పోలింగ్ స‌మ‌యంలో త‌న‌పై జ‌రిగిన దాడి గురించి న‌టుడు బెన‌ర్జీ (Benerjee) ప్రెస్‌మీట్‌లో మాట్లాడారు. మోహ‌న్ బాబు (Mohan Babu) త‌న ప‌ట్ల అమానుషంగా ప్ర‌వ‌ర్తించార‌ని ఆవేద‌న వ్య‌క్తం చేశారు. ‘నేను దూరంగా నిల‌బడ్డాను. మోహ‌న్ బాబు త‌నీష్ (Tanish) ను తిడుతున్నాడు. విష్ణు (Manchu Vishnu)ద‌గ్గ‌ర‌కెళ్లి గొడ‌వ‌లొద్దు నాన్నా అని చెప్పా. వెంట‌నే మోహ‌న్ బాబు నన్ను కొట్ట‌డానికి వ‌చ్చేశారు. విష్ణు బాబు నన్ను లాగేశాడు. నన్ను ప‌చ్చి బూతులు తిట్టార‌ని’ బెన‌ర్జీ కంట‌త‌డి పెట్టుకున్నారు. ఆయ‌న తీరుతో షాక్‌లో ఉండిపోయానన్నారు .

‘నేను 40 ఏండ్లుగా ఇండ‌స్ట్రీలో ఉన్నా. ఇండ‌స్ట్రీలో మంచి పేరు తెచ్చుకున్నా. మోహ‌న్ బాబు నా ఇంట్లో మ‌నిషి. నేను వాళ్లింట్లో మ‌నిషిని. వంద‌ల మంది ముందుకు న‌న్ను అవ‌మాన‌ప‌రిచారు. వంద‌ల మంది ముందు అలా చేసే స‌రికి చాలా బాధ‌ప‌డ్డాను. నా భార్య ఎంతో బాధ‌ప‌డింది. మంచు ల‌క్ష్మి పుట్టినప్ప‌టి నుంచి ఎత్తుకొని తిరిగానని’ ఆవేద‌న‌తో గుర్తు చేసుకున్నారు.ఈ విష‌యంపై మోహ‌న్‌బాబు భార్య కూడా చాలా బాధ‌ప‌డ్డారని చెప్పుకొచ్చారు బెన‌ర్జీ. విష్ణు బాగా ప‌నిచేస్తాడ‌ని న‌మ్ముతున్నా. రాజీనామా చేసిన త‌ర్వాత త‌న‌కు భారం త‌గ్గిందని బెన‌ర్జీ చెప్పారు.

ఆ త‌ర్వాత త‌నీష్ మాట్లాడుతూ..మోహ‌న్‌బాబు ఎందుకు తిట్టారో త‌న‌కు అర్థం కాలేద‌ని అన్నాడు . మా అమ్మ‌ను కించ‌ప‌రిచేలా బూతులు తిట్టారు. ఈ భ‌యానికి మా అభిప్రాయాలు చెప్ప‌లేమోమోన‌నిపిస్తోంద‌ని త‌నీష్ చెప్పాడు. త‌న‌ను న‌మ్మి ఓటేసిన స‌భ్యులంద‌రికీ కృత‌జ్ఞ‌త‌లు తెలియ‌జేస్తున్న‌ట్టు త‌నీష్ తెలిపాడు.

ఇది కూడా చూడండి

ఇవి కూడా చ‌ద‌వండి..

Ileana: ఇలియానా ఏంటి, ఇలాంటి నిర్ణ‌యం తీసుకుంటుంది?

Pushpa: పుష్ప నుండి శ్రీ వ‌ల్లి ప్రోమో సాంగ్ విడుద‌ల‌

Esha Gupta: పైన మొత్తం విప్పేసి ఇలా ర‌చ్చ చేస్తుందేంటి?