బెల్లంకొండ సాయి శ్రీనివాస్ (Bellamkonda Sai Sreenivas), అనుపమ పరమేశ్వరన్ హీరోహీరోయిన్లుగా తెరకెక్కిన చిత్రం రాక్షసుడు (Rakshashudu). రమేశ్ వర్మ (Ramesh Varma) డైరెక్షన్లో తెలుగు, తమిళ భాషల్లో విడుదలైన ఈ మూవీ బాక్సాఫీస్ను షేక్ చేసింది. ఈ డైరెక్టర్ మరోసారి సీక్వెల్తో థ్రిల్ను అందించేందుకు రెడీ అవుతున్నాడని తెలిసిందే. ఇప్పటికే రాక్షసుడు 2 పోస్టర్లు కూడా రిలీజ్ చేయగా..మంచి స్పందన వచ్చింది. అయితే ఈ సినిమాలో హీరోగా ఎవరు కనిపించబోతున్నారనే విషయంలో మాత్రం మొదటి నుంచి సస్పెన్స్ మెయింటైన్ చేసుకుంటూ వస్తున్నాడు.
తాజాగా దీనికి సంబంధించిన ఇంట్రెస్టింగ్ అప్ డేట్ నెట్టింట్లో హల్ చల్ చేస్తోంది. ఇంతకీ ఆ స్టార్ హీరో ఎవరో తెలుసా..? ఇటీవలే విక్రాంత్ రోన సినిమాతో భారీ హిట్టు కొట్టిన కిచ్చా సుదీప్ (Kicha Sudeep). ఆసక్తికరంగా ఉన్న ఈ వార్తపై అధికారిక ప్రకటన వస్తే క్లారిటీ రానుంది. మొత్తానికి సుదీప్ ఫైనల్ అయితే మాత్రం సినిమాపై అంచనాలు మరింత పెరిగే అవకాశాలు పుష్కలంగా ఉన్నాయనే చెప్పొచ్చు. రానున్న రోజుల్లో కొత్త అప్డేట్ ఏదైనా వస్తుందేమో చూడాలి మరి.
ఓ కిల్లర్ రక్తంతో నిండిన కసాయి కత్తిని చేతిలో పట్టుకుని కనిపిస్తుండగా..ఓ బాలిక భయంతో పరుగులు పెడుతున్న పోస్టర్ను విడుదల చేయగా..క్యూరియాసిటీ పెంచుతోంది. త్వరలోనే ఈ సినిమా షూటింగ్ ప్రారంభం కానుంది. ఏ స్టూడియోస్, హవీష్ ప్రొడక్షన్ బ్యానర్ల పై సత్యనారాయణ కోనేరు ఈ చిత్రాన్ని నిర్మిస్తున్నారు. గిబ్రాన్ ఈ చిత్రానికి మ్యూజిక్ డైరెక్టర్.