The Raaja Saab | డబ్బింగ్ షురూ.. ప్రభాస్ ‘ది రాజా సాబ్’ నుంచి లేటెస్ట్ అప్‌డేట్

Prabhas | పాన్ ఇండియా న‌టుడు ప్ర‌భాస్ క‌థానాయ‌కుడిగా న‌టిస్తున్న తాజా చిత్రం రాజా సాబ్ (Raaja Saab).

Prabhas – Raaja Saab | పాన్ ఇండియా న‌టుడు ప్ర‌భాస్ క‌థానాయ‌కుడిగా న‌టిస్తున్న తాజా చిత్రం రాజా సాబ్ (Raaja Saab). టాలీవుడ్ డైరెక్ట‌ర్ భలే భ‌లే మొగాడివోయ్ ఫేమ్ మారుతి ద‌ర్శ‌క‌త్వంలో ఈ సినిమా రాబోతుండ‌గా.. పీపుల్స్ మీడియా ఫ్యాక్ట‌రీ బ్యాన‌ర్‌పై టీజీ విశ్వ‌ప్ర‌సాద్ ఈ సినిమాను నిర్మిస్తున్నాడు. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ చిత్రాన్ని ఈ ఏడాది చివ‌రిలో ప్రేక్ష‌కుల ముందుకు తీసుకురాబోతున్న‌ట్లు స‌మాచారం. అయితే ఈ మూవీ నుంచి తాజాగా ఒక అప్‌డేట్ సోష‌ల్ మీడియాలో వైర‌ల్‌గా మారింది.

తాజా సమాచారం ప్రకారం, ప్రభాస్ వచ్చే వారం నుంచి తన పాత్రకు డబ్బింగ్ చెప్పడం ప్రారంభించనున్న‌ట్లు తెలుస్తుంది. ప్రభాస్ అందుబాటులో ఉన్నంత‌సేపు అత‌డికోసం ప్రత్యేకంగా డబ్బింగ్ సెటప్‌ను కూడా ఏర్పాటు చేశారట. ప్రభాస్ మరికొన్ని రోజులు కేటాయిస్తే సినిమా షూటింగ్ పోస్ట్ ప్రొడక్షన్ పనులు పూర్తవుతాయని తెలుస్తోంది. అయితే షూటింగ్ ఆల‌స్యం అవ్వ‌డం.. పోస్ట్ ప్రోడ‌క్ష‌న్ ప‌నులు పెండింగ్ ఉండ‌డంతో ఈ మూవీ విడుద‌ల తేదీ ఎప్పుడు ప్ర‌క‌టిస్తారా అని ప్రేక్ష‌కులు ఎదురుచూస్తున్నారు. కాగా దీనిపై చిత్ర‌బృందం క్లారిటీ ఇవ్వ‌వ‌ల‌సి ఉంది. హార‌ర్ బ్యాక్‌డ్రాప్‌లో వ‌స్తున్న ఈ సినిమాలో ప్ర‌భాస్ స‌ర‌స‌న‌ నిధి అగర్వాల్, మాళవిక మోహనన్ హీరోయిన్లుగా నటిస్తున్నారు. రిద్ధి కుమార్, సంజయ్ దత్ కీలక పాత్రల్లో మెరవనున్నారు.