Visit:
రాజ్‌ తరుణ్‌ తాజా సినిమా ‘భలే ఉన్నాడే’. మనీషా కంద్కూర్‌ కథానాయిక. వర్ధన్‌ దర్శకుడు. ఎన్‌వీ కిరణ్‌కుమార్‌ నిర్మాత. అగ్ర దర్శకుడు మారుతి సమర్పకుడు. సెప్టెంబర్‌ 7న సినిమా విడుదల కానుంది. ప్రమోషన్‌లో భాగంగా ఈ సినిమా ట్రైలర్‌ని మేకర్స్‌ విడుదల చేశారు. అమ్మాయిలంటే ఆమడ దూరంలో వుండే హీరో పాత్రని ఈ ట్రైలర్‌లో పరిచయం చేశారు. ఫన్‌గా, ఎమోషనల్‌గా ట్రైలర్‌ సాగింది. టీవీ గణేశ్‌, హైపర్‌ ఆది, కృష్ణభగవాన్‌ శ్రీకాంత్‌ అయ్యంగార్‌ ట్రైలర్‌లో వినోదాన్ని పంచారు. హీరోహీరోయిన్ల మధ్య వచ్చే ప్రేమ సన్నివేశాలు వినోదాత్మకంగా ఉంటాయని మేకర్స్‌ తెలిపారు. సింగీతం శ్రీనివాస్‌, అభిరామి, గోపరాజు రమణ తదితరులు ఇతర పాత్రలు పోషిస్తున్న ఈ చిత్రానికి కెమెరా: నగేశ్‌ బానెల్లా, సంగీతం: శేఖర్‌చంద్ర.
