టీఎఫ్‌డీసీ చైర్మన్‌గా దిల్‌రాజు

ప్రముఖ నిర్మాత దిల్‌రాజును కీలక పదవి వరించింది. తెలంగాణ ఫిల్మ్‌ డెవలప్మెంట్‌ కార్పొరేషన్‌(టీఎఫ్‌డీసీ) చైర్మన్‌గా ఆయన్ను నియమిస్తూ ప్రభుత్వ ప్రధాన కార్యదర్శి శాంతికుమారి ఉత్తర్యూలు జారీ చేశారు.

ప్రముఖ నిర్మాత దిల్‌రాజును కీలక పదవి వరించింది. తెలంగాణ ఫిల్మ్‌ డెవలప్మెంట్‌ కార్పొరేషన్‌(టీఎఫ్‌డీసీ) చైర్మన్‌గా ఆయన్ను నియమిస్తూ ప్రభుత్వ ప్రధాన కార్యదర్శి శాంతికుమారి ఉత్తర్యూలు జారీ చేశారు. ఈ పదవిలో దిల్‌రాజు రెండేళ్లపాటు కొనసాగుతారు.

దిల్‌రాజు అసలు పేరు వి.వెంకటరమణారెడ్డి. ‘పెళ్లిపందిరి’(1997) సినిమాతో పంపిణీదారునిగా ఆయన సినీ కెరీర్‌ మొదలైంది. దిల్‌, ఆర్య, బొమ్మరిల్లు చిత్రాలతో అగ్రనిర్మాతగా ఎదిగారాయన. శ్రీవెంకటేశ్వర క్రియేషన్స్‌ పతాకంపై యాభైకి పైగా చిత్రాలు నిర్మించారు. దిల్‌రాజు నిర్మించిన భారీ పాన్‌ఇండియా సినిమా ‘గేమ్‌ చేంజర్‌’.. ఈ సంక్రాంతికి విడుదల కానుంది.