ప్రతి గాయం ఓ పతకం

సాయిదుర్గతేజ్‌ కథానాయకుడిగా నటిస్తున్న పీరియాడిక్‌ యాక్షన్‌ డ్రామా ‘సంబరాల ఏటిగట్టు’. రోహిత్‌ కేపీ దర్శకత్వం వహిస్తున్న ఈ సినిమాను ప్రైమ్‌షో ఎంటర్‌టైన్‌మెంట్స్‌ పతాకంపై కె.నిరంజన్‌ రెడ్డి నిర్మిస్తున్నారు. రాయలసీమ నేపథ్యంలో స్వాతంత్రోద్యమ నాటి ఈ కథలో సీనియర్‌ హీరో శ్రీకాంత్‌ బ్రిటీష్‌ సైనికుడిగా కీలక పాత్రలో కనిపించనున్నారు.

సాయిదుర్గతేజ్‌ కథానాయకుడిగా నటిస్తున్న పీరియాడిక్‌ యాక్షన్‌ డ్రామా ‘సంబరాల ఏటిగట్టు’. రోహిత్‌ కేపీ దర్శకత్వం వహిస్తున్న ఈ సినిమాను ప్రైమ్‌షో ఎంటర్‌టైన్‌మెంట్స్‌ పతాకంపై కె.నిరంజన్‌ రెడ్డి నిర్మిస్తున్నారు. రాయలసీమ నేపథ్యంలో స్వాతంత్రోద్యమ నాటి ఈ కథలో సీనియర్‌ హీరో శ్రీకాంత్‌ బ్రిటీష్‌ సైనికుడిగా కీలక పాత్రలో కనిపించనున్నారు. సోమవారం ఆయన పుట్టిన రోజు సందర్భంగా ఫస్ట్‌లుక్‌ పోస్టర్‌ను విడుదల చేశారు.

ప్రతీ గాయాన్ని ఓ పతకంలా భావించే సైనికుడిగా ఆయన శక్తివంతమైన పాత్రలో కనిపిస్తారని మేకర్స్‌ తెలిపారు. పాన్‌ ఇండియా స్థాయిలో ఈ చిత్రాన్ని విడుదల చేయబోతున్నారు. ఐశ్వర్యలక్ష్మి, జగపతిబాబు, సాయికుమార్‌, శ్రీకాంత్‌, అనన్య నాగళ్ల తదితరులు నటిస్తున్న ఈ చిత్రానికి సంగీతం: అజనీష్‌ లోక్‌నాథ్‌, నిర్మాతలు: కె.నిరంజన్‌ రెడ్డి, చైతన్య రెడ్డి, రచన-దర్శకత్వం: రోహిత్‌ కె.పి.