Singham Again | సింగం ఎగైన్‌ షూటింగ్‌ ప్రారంభం.. ఈ సారి మరింత స్పైసీగా..!

Singham Again | పుష్కర కాలం కిందట బాలీవుడ్‌లో వచ్చిన సింగం సినిమా ఎంత పెద్ద హిట్టో ప్రత్యేకించి చెప్పనవసరం లేదు. అజయ్‌ దేవగణ్‌ హీరోగా నటించిన ఈ సినిమా హిందీ బాక్సాఫీస్‌ దగ్గర కోట్లు కొల్లగొట్టింది. నిజానికి ఇది సూర్య నటించిన యముడు సినిమాకు రీమేక్‌.

Singham Again | పుష్కర కాలం కిందట బాలీవుడ్‌లో వచ్చిన సింగం సినిమా ఎంత పెద్ద హిట్టో ప్రత్యేకించి చెప్పనవసరం లేదు. అజయ్‌ దేవగణ్‌ హీరోగా నటించిన ఈ సినిమా హిందీ బాక్సాఫీస్‌ దగ్గర కోట్లు కొల్లగొట్టింది. నిజానికి ఇది సూర్య నటించిన యముడు సినిమాకు రీమేక్‌. దీనికి కొనసాగింపుగా మూడేళ్లకు సింగం రిటర్న్స్‌ తెరకెక్కింది. ఇది తొలిపార్టుకు మించి కలెక్షన్‌లు కొల్లగొట్టింది. ఇక అప్పటికే గోల్‌మాల్‌ సిరీస్‌తో రక్షిత్‌శెట్టి-అజయ్‌ దేవగణ్‌ల కాంబినేషన్‌ సూపర్ హిట్టు అనిపించుకోగా.. సింగం సిరీస్‌తో తిరుగులేని కాంబినేషన్‌లా క్రేజ్‌ తెచ్చుకుంది. ఇక ఇప్పుడు సింగం సిరీస్‌లో మూడో పార్టు తెరకెక్కుతుంది. ఇప్పటికే ప్రీ ప్రొడక్షన్‌ పనులు పూర్తి చేసుకున్న ఈ ప్రాజెక్ట్‌ తాజాగా పట్టాలెక్కింది.

తాజాగా ఈ సినిమా పూజా కార్యక్రమాలతో లాంచ్‌ అయింది. దీనికి సింగం ఎగైన్‌ అనే టైటిల్‌ను ఫిక్స్‌ చేశారు. లాంచ్‌ ఈవెంట్‌కు అజయ్ దేవ్‌గణ్‌, దర్శకుడు రోహిత్ శెట్టితో పాటు హీరో రణ్‌వీర్ సింగ్ హాజరయ్యారు. ఇక ఈ మూడో ఇన్‌స్టాల్‌మెంట్‌లో అజయ్ దేవ్‌గణ్‌తో పాటు అక్షయ్ కుమార్ , రణ్‌వీర్ సింగ్ ముఖ్య పాత్రల్లో కనిపించనున్నారు. ఈ సారి బడ్జెట్‌ కూడా రెట్టింపు అవ్వబోతున్నట్లు తెలుస్తుంది. ఇక ఈ సినిమాలో దీపికా హీరోయిన్‌గా నటించబోతున్నట్లు తెలుస్తుంది. ‘సింగం-3’లో దీపికా లేడీ పోలీస్‌ అధికారిగా నటించనుంది. ‘చెన్నై ఎక్స్‌ప్రెస్’ తర్వాత దీపికా దాదాపు 9ఏళ్ళకు రోహిత్‌ శెట్టి దర్శకత్వంలో సినిమా చేస్తుంది.