మరో సౌత్‌ రీమేక్‌లో?

‘అర్జున్‌రెడ్డి’ హిందీ రీమేక్‌ ‘కబీర్‌సింగ్‌' విజయంతో దక్షిణాది కథలపై మక్కువ పెంచుకున్నారు బాలీవుడ్‌ అగ్ర హీరో షాహిద్‌కపూర్‌.

‘అర్జున్‌రెడ్డి’ హిందీ రీమేక్‌ ‘కబీర్‌సింగ్‌’ విజయంతో దక్షిణాది కథలపై మక్కువ పెంచుకున్నారు బాలీవుడ్‌ అగ్ర హీరో షాహిద్‌కపూర్‌. ఆ సినిమా అనంతరం చేసిన ‘జెర్సీ’ హిందీ రీమేక్‌ బాక్సాఫీస్‌ వద్ద ఆశించిన ఫలితం రాబట్టలేకపోయినా, షాహిద్‌ నటనకు మాత్రం మంచి పేరొచ్చింది. తాజాగా షాహిద్‌కపూర్‌ మరో సౌత్‌ రీమేక్‌లో నటించబోతున్నట్లు తెలిసింది. పృథ్వీరాజ్‌ సుకుమారన్‌ నటించిన మలయాళ చిత్రం ‘ముంబయి పోలీస్‌’ (2013) హిందీ రీమేక్‌కు షాహిద్‌కపూర్‌ అంగీకరించినట్లు సమాచారం. మాతృకకు దర్శకత్వం వహించిన రోషన్‌ ఆండ్రూ హిందీ వెర్షన్‌ను డైరెక్ట్‌ చేయబోతున్నాడు. పోలీస్‌ కథాంశం నేపథ్యంలో సైకలాజికల్‌ థ్రిల్లర్‌గా ఈ చిత్రాన్ని రూపొందించారు. మలయాళంలో అద్భుత విజయాన్ని సొంతం చేసుకున్న ఈ కథ బాగా నచ్చడంతో వెంటనే హిందీ రీమేక్‌కు షాహిద్‌కపూర్‌ సిద్ధమయ్యారని అంటున్నారు. ప్రస్తుతం ఈ సినిమాకు సంబంధించిన పూర్వ నిర్మాణ కార్యక్రమాలు జరుగుతున్నాయి. త్వరలో అధికారిక ప్రకటన వెలువడనుంది.