DUNKI | కెనడా వలసదారుల కథేనా?.. షారుఖ్‌ఖాన్‌ ‘డంకీ’ స్టోరీపై ఆసక్తికరమైన చర్చ

ఖలిస్థాన్‌ వేర్పాటువాద మద్దతుదారుడు హర్దీప్‌ సింగ్‌ నిజ్జార్‌ హత్య కేసు విషయంలో భారత్‌-కెనడా దేశాల మధ్య దౌత్యపరమైన ఉద్రిక్తతలు తలెత్తిన విషయం తెలిసిందే. ఈ నేపథ్యంలో బాలీవుడ్‌ అగ్ర హీరో షారుఖ్‌ఖాన్‌ తాజా చిత్రం ‘డంకీ’ కథ గురించి సోషల్‌మీడియాలో ఆసక్తికరమైన చర్చ నడుస్తున్నది.

DUNKI | ఖలిస్థాన్‌ వేర్పాటువాద మద్దతుదారుడు హర్దీప్‌ సింగ్‌ నిజ్జార్‌ హత్య కేసు విషయంలో భారత్‌-కెనడా దేశాల మధ్య దౌత్యపరమైన ఉద్రిక్తతలు తలెత్తిన విషయం తెలిసిందే. ఈ నేపథ్యంలో బాలీవుడ్‌ అగ్ర హీరో షారుఖ్‌ఖాన్‌ తాజా చిత్రం ‘డంకీ’ కథ గురించి సోషల్‌మీడియాలో ఆసక్తికరమైన చర్చ నడుస్తున్నది. భారత్‌ నుంచి కెనడాకు వెళ్లే అక్రమ వలసదారుల ఇతివృత్తంతో దర్శకుడు రాజ్‌కుమార్‌ హిరానీ ఈ సినిమాను తెరకెక్కిస్తున్నారని వార్తలొస్తున్నాయి. తాజాగా వీటిపై చిత్ర సన్నిహిత వర్గాలు స్పందించాయి. భారత్‌-కెనడా దేశాలతో ఈ కథకు ఎలాంటి సంబంధం లేదని స్పష్టం చేశాయి. ‘డంకీ ఫ్లైట్‌’ బ్యాక్‌గ్రౌండ్‌లో జరిగే కథ ఇది.

భారత్‌ నుంచి ఇతర దేశాలకు అక్రమంగా వెళ్లేవారు డంకీ ఫ్లైట్‌ అనే మార్గాన్ని అనుసరిస్తారు. అలా ఉన్నత జీవితాన్ని కాంక్షిస్తూ విదేశాలకు వెళ్లే వలసదారుల కష్టనష్టాల గురించి ఈ సినిమాలో చర్చించాం. కెనడాలో స్థిపరడిన ప్రవాస భారతీయుల గురించి ఎలాంటి ప్రస్తావన ఉండదు. గొప్ప జీవితం కోసం తపించే కథానాయకుడి అంతరంగాన్ని ఆవిష్కరిస్తూ కథ సాగుతుంది. ఎలాంటి వివాదాస్పద అంశాల జోలికి పోకుండా ఈ సినిమాను తెరకెక్కించాం’ అని చిత్రబృందం వివరణ ఇచ్చింది. తాప్సీ కథానాయికగా నటిస్తున్న ఈ చిత్రం డిసెంబర్‌ 22న భారీ స్థాయిలో విడుదలకానుంది.