Selfiee Movie | బాలీవుడ్ స్టార్ అక్షయ్కుమార్ గురించి ప్రత్యేకించి చెప్పనవసరం లేదు. ఈయన సినిమాలు తెలుగులో ఎక్కువగా రిలీజ్ కాకపోయినా.. హిందీ సినిమాలతోనే టాలీవుడ్లో మంచి క్రేజ్ తెచ్చుకున్నాడు. రోటీన్కు భిన్నంగా సినిమాలను చేస్తూ బాలీవుడ్లో టాప్ హీరోగా కొనసాగుతున్నాడు. అంతేకాకుండా అక్షయ్, ఏ హీరోకు సాధ్యం కాని విధంగా ఏడాదికి నాలుగైదు సినిమాలను రిలీజ్ చేస్తూ అందరిని ఆశ్చర్యానికి గురిచేస్తున్నాడు. గతేడాది అక్షయ్ ఏకంగా ఐదు సినిమాలు రిలీజ్ చేశాడు. అయితే అందులో ఏ ఒక్క సినిమా కూడా హిట్లు కాలేకపోవడం గమనార్హం. ప్రస్తుతం అక్షయ్ అశలన్నీ ‘సెల్ఫీ’ పైనే ఉన్నాయి.
రాజ్మెహ్తా దర్శకత్వం వహించిన ఈ సినిమా మలయాళంలో సూపర్ హిట్టయిన ‘డ్రైవింగ్ లైసెన్స్’ సినిమాకు రీమేక్గా తెరకెక్కింది. సెలబ్రెటీ పాత్రలో అక్షయ్ నటించగా.. పోలీస్ పాత్రను ఇమ్రాన్ హష్మీ పోషిస్తున్నాడు. ఇప్పటికే రిలీజైన పోస్టర్లు, ట్రైలర్ సినిమాపై మంచి అంచనాలే పెంచాయి. కాగా తాజాగా మేకర్స్ ఈ సినిమాలోని కుడియే ని తేరి అంటూ సాగే పాటను రిలీజ్ చేశారు. ఈ ప్రత్యేక గీతంలో అక్షయ్తో కలిసి మృణాల్ థాకూర్ స్టెప్పులేసింది. ఈ పాటలో మృణాల్ పొట్టి పొట్టి డ్రెస్సుల్లో అందాలు ఒలకబోస్తూ యూత్లో హీట్ పెంచుతుంది. తాజాగా రిలీజైన ఈ పాట నెట్టింట తెగవైరల్ అవుతుంది.
కామెడీ డ్రామా నేపథ్యంలో తెరకెక్కిన ఈ సినిమాలో నుష్రత్ భరుచ్చా, డయానా పెంటీ హీరోయిన్లుగా నటించారు. ధర్మ ప్రొడక్షన్స్, కేప్ ఆఫ్ గుడ్ ఫిలింస్ సంస్థలతో కలిసి మలయాళ స్టార్ పృథ్విరాజ్ సుకుమార్ నిర్మిస్తున్నాడు. ఇక ఈ సినిమా ఫిబ్రవరి 24న గ్రాండ్గా విడుదల కాబోతుంది.