అమ్మాయిలు చూడాల్సిన సినిమా

‘సత్యభామ’గా నటించడం ఛాలెంజింగ్‌గా అనిపించింది. ఇలాంటి కేరక్టర్‌ నా కెరీర్‌లో చేయడం తొలిసారి. ఈ సినిమాలో అన్ని ఎమోషన్సూ ఉన్నాయి.

‘సత్యభామ’గా నటించడం ఛాలెంజింగ్‌గా అనిపించింది. ఇలాంటి కేరక్టర్‌ నా కెరీర్‌లో చేయడం తొలిసారి. ఈ సినిమాలో అన్ని ఎమోషన్సూ ఉన్నాయి. ఈ సినిమా అందరికీ నచ్చుతుందని నమ్మకంగా చెప్పగలను’ అన్నారు కాజల్‌ అగర్వాల్‌. ఆమె ప్రధానపాత్ర పోషించిన ‘సత్యభామ’ చిత్రం మ్యూజికల్‌ ఈవెంట్‌ హైదరాబాద్‌లో ఘనంగా జరిగింది. ఈ సందర్బంగా ఆమె మాట్లాడారు. ‘నేను బిడ్డకు జన్మనిచ్చిన తర్వాత చేసిన సినిమా ఇది.

చాలా పర్పస్‌ఫుల్‌ సబ్జెక్ట్‌. అమ్మాయిలు తప్పకుండా చూడాల్సిన సినిమా ఇది. ‘షీ సేఫ్‌’ యాప్‌ను అమ్మాయిలు ఎలా ఉపయోగించాలో ఈ సినిమాలో చూపించాం. సత్యభామ శక్తి కండబలంతోపాటు బుద్ధిబలంలో కూడా ఉంటుంది. మహిళాశక్తికి అద్దం పట్టే సినిమా ఇది’ అని తెలిపింది కాజల్‌. ఈ సందర్భంలోనే ఈ సినిమాలోని థర్డ్‌ సింగిల్‌ ‘వెతుకు.. వెతుకు..’ పాటను మేకర్స్‌ విడుదల చేశారు. త్వరలో విడుదల కానున్న ఈ చిత్రానికి సుమన్‌ చిక్కాల దర్శకుడు కాగా, బాబీ తిక్క, శ్రీనివాసరావు తక్కళపల్లి నిర్మాతలు. శశికిరణ్‌ తిక్క సమర్పకులు. ఈ చిత్రానికి సంగీతం శ్రీచరణ్‌ పాకాల.