వినోదానికి ‘సర్వం సిద్ధం’

గోవింద్‌రాజ్‌, సంతోష్‌, సిద్ధేశ్వర్‌, మందార్‌ ప్రధాన పాత్రల్లో నటిస్తున్న చిత్రం ‘సర్వం సిద్ధం’. ‘నవ్వుకున్నోళ్లకు నవ్వుకున్నంత’ ఉపశీర్షిక. రాబిన్‌ నాయుడు దర్శకుడు. శ్రీలత బి వెంకట్‌ నిర్మాత. ఏప్రిల్‌ 16న విడుదలకానుంది. ఈ చిత్ర ప్రీరిలీజ్‌ వేడుక శుక్రవారం జరిగింది. దర్శకుడు మాట్లాడుతూ ‘సినిమా బ్యాక్‌డ్రాప్‌లో ఆద్యంతం సంపూర్ణ వినోదంతో మెప్పించే చిత్రమిది. మంచి క్వాలిటితో తెరకెక్కించాం. ప్రేక్షకులకు ఆసాంతం నవ్వులు పంచుతూ అలరిస్తుంది’ అన్నారు. ఈ సినిమాలో తాను దర్శకుడి పాత్రలో నటించానని నటుడు గోవింద్‌రాజ్‌ తెలిపారు. వెరైటీ కామెడీతో ఈ సినిమాను తెరకెక్కించారని కార్యక్రమానికి అతిథులుగా విచ్చేసిన నిర్మాతలు బెల్లంకొండ సురేష్‌, తుమ్మలపల్లి రామసత్యనారాయణ తెలిపారు. ఈ చిత్రానికి కెమెరా: బొబ్బిలి సంతోష్‌రెడ్డి, సంగీతం: డేవిడ్‌ జి, రచన-దర్శకత్వం: అతిమళ్ల రాబిన్‌నాయుడు.