అలనాటి హీరో, సీనియర్ యాక్టర్ వేణు తొట్టెంపూడి (Venu Thottempudi)మాస్ మహారాజా రవితేజ ( Ravi Teja) నటిస్తోన్న రామారావు ఆన్ డ్యూటీ (Ramarao On Duty)తో సిల్వర్ స్క్రీన్కు గ్రాండ్గా రీ ఎంట్రీ ఇస్తున్న సంగతి తెలిసిందే. ఈ చిత్రంలో సీఐ మురళీగా కనిపించనున్నాడు వేణు. డెబ్యూ డైరెక్టర్ శరత్ మండవ (Sarat Mandava) దర్శకత్వం వహిస్తున్న ఈ చిత్రం జులై 29న సినిమా ప్రేక్షకుల ముందుకు రాబోతుంది. ఈ నేపథ్యంలో వేణు, శరత్ అండ్ టీం ప్రమోషన్స్ లో పాల్గొంటుంది. ఈ సందర్భంగా జరిపిన చిట్చాట్లో వేణును ఎలా ఎంపిక చేశాడో చెప్పాడు శరత్ మండవ.
‘ ఆయన (వేణు)యాక్టింగ్ ఎందుకొదిలేశారో నాకు తెలియదు. ఆయన్ను అడిగినా చెప్పడేమో. నేను ఆయన్ను టచ్ లోకి తీసుకోవాలని ప్రయత్నిస్తున్నపుడు..మా ప్రసాద్ ఫోన్ చేశాడు. అస్సలు ఆయన స్పందించడం లేదు. వేణు ఫోన్ లిఫ్ట్ చేసిన తర్వాత మీ డైరెక్టర్కు నా పేరు గుర్తున్నందుకు థ్యాంక్స్ చెప్పండి. కానీ సినిమాలు మానేశానని ప్రసాద్తో చెప్పి ఫోన్ పెట్టేశారు. అనంతరం నేను వేణుకు మెసేజ్ పెట్టాను. మనం ఒకసారి కలుద్దామండి..మీరు సినిమా చేసినా..చేయకపోయినా ఫర్వాలేదు. ఒకసారి కలుద్దామని అడిగాను. దానికి మీరెక్కడుంటారని వేణు నన్ను అడిగారు’ .
హోటల్లో కలిశాం..
ఆ తర్వాత వేణు, తాను ఒక హోటల్ లో బ్రేక్ ఫాస్ట్ కోసం కలిశామన్నాడు శరత్. వేణుతో నేను 10-15 నిమిషాలు మాట్లాడి వెళ్దామనుకున్నా..కానీ ఆయనను గంటన్నర సేపు కూర్చునేలా చేశా..ఆయనకు కామన్గా తెలిసిన వాళ్లున్నారని.. అక్కడికెళ్లి వేణుకు కథ వినిపించాను. వేణుకు కథ బాగా నచ్చి..వెంటనే ఒకే చెప్పేశారని చెప్పుకొచ్చాడు’ శరత్ మండవ.
దీనిపై వేణు స్పందిస్తూ..నేను చాలా సందేహంగా ఉన్నా..కానీ శరత్ దాన్ని నా మనస్సులో నుంచి పూర్తిగా తొలగించారు. శరత్ ఫుల్ క్లారిటీతో ఉంటాడు. తనకు ఏం కావాలో అది తీసుకుంటాడు..మనం ఏదైనా చెప్పినా కూడా అవసరం లేదంటాడు..అంటూ చెప్పుకొచ్చాడు. ఈ చిత్రంలో సర్పట్టా ఫేం జాన్ విజయ్, చైతన్యకృష్ణ, నాజర్, తనికెళ్లభరణి, పవిత్ర లోకేష్ ఇతర కీ రోల్స్ పోషిస్తున్నారు. ఎస్ఎల్వీ సినిమాస్, ఆర్టీ టీమ్ వర్క్స్ బ్యానర్లపై సంయుక్తంగా తెరకెక్కిస్తున్న ఈ చిత్రానికి సామ్ సీఎస్ మ్యూజిక్ డైరెక్టర్.