Sara Ali Khan | అలా ఉండాలని ఫ్రెండ్స్‌ సలహా ఇస్తుంటారు.. కానీ నావల్ల కాదు.. ఇంట్రెస్టింగ్‌ విషయాలు చెప్పుకొచ్చిన సారా అలీఖాన్‌

ఇSara Ali Khan | టీవలకాలంలో వరుసగా దేవాలయాలను సందర్శిస్తూ ఆధ్యాత్మిక యాత్రను కొనసాగిస్తున్నది బాలీవుడ్‌ అగ్ర హీరో సైఫ్‌అలీఖాన్‌ ముద్దుల తనయ సారా అలీఖాన్‌. ఇటీవల కేథార్‌నాథ్‌ ఆలయంలో ఆమె నిర్వహించిన ప్రత్యేక పూజల తాలూకు ఫొటోలు సోషల్‌మీడియాలో వైరల్‌గా మారాయి.

Sara Ali Khan | ఇటీవలకాలంలో వరుసగా దేవాలయాలను సందర్శిస్తూ ఆధ్యాత్మిక యాత్రను కొనసాగిస్తున్నది బాలీవుడ్‌ అగ్ర హీరో సైఫ్‌అలీఖాన్‌ ముద్దుల తనయ సారా అలీఖాన్‌. ఇటీవల కేథార్‌నాథ్‌ ఆలయంలో ఆమె నిర్వహించిన ప్రత్యేక పూజల తాలూకు ఫొటోలు సోషల్‌మీడియాలో వైరల్‌గా మారాయి. ఎలాంటి దాపరికం లేకుండా తన మనసులోని భావాలను నిర్మొహమాటంగా వ్యక్తం చేస్తుందని ఈ భామకు పేరుంది.

ఈ విషయం గురించి ఇటీవల ఇచ్చిన ఓ ఇంటర్వ్యూలో సారా అలీఖాన్‌ స్పందిస్తూ ‘ప్రతి విషయంలో నేను చాలా ఓపెన్‌గా మాట్లాడుతానని, కాస్త లౌక్యంతో వ్యవహరించడం అవసరమని నా కుటుంబ సభ్యులతో పాటు ఫ్రెండ్స్‌ కూడా సలహా ఇస్తుంటారు. నిజాయితీగా వృత్తిధర్మాన్ని నిర్వర్తిస్తున్నప్పుడు ఎవరికీ భయపడాల్సిన అవసరం ఉండదు. అందుకే నేను ఎలాంటి భేషజాలు లేకుండా ఉన్నది ఉన్నట్లుగా మాట్లాడతాను. మాటలను ఫిల్టర్‌ చేయడం నాకు ఇష్టం ఉండదు.

సోషల్‌ మీడియాలో వచ్చే విమర్శలను అస్సలు పట్టించుకోను. సద్విమర్శలను మాత్రం స్వీకరిస్తా. అందరి మెప్పు పొందాలనే తాపత్రయం వల్ల ఇంకా ఎక్కువ సమస్యలు వస్తాయి. ఈ ప్రపంచంలో ద్వేషించే వాళ్లు ఎప్పుడూ ఉంటారు. వారి గురించి ఆలోచిస్తూ సమయాన్ని వృథా చేసుకోను’ అని చెప్పింది. ప్రస్తుతం ఈ భామ హిందీలో నాలుగు చిత్రాల్లో నటిస్తూ బిజీగా ఉంది. ఆమె కథానాయికగా నటించిన ‘జరా హట్కే జరా బచ్‌కే’ చిత్రం ఇటీవలే ప్రేక్షకుల ముందుకొచ్చింది.