Samantha Ruth Prabhu | 13 ఏండ్ల ప్రయాణం.. ఇకపై నన్ను ఏదీ బాధించదు.. సమంత ఎమోషనల్‌ పోస్ట్‌..!

Samantha Ruth Prabhu | టాలీవుడ్‌ స్టార్‌ (Tollywood Star) నటి సమంత (Samantha) తెలుగు ప్రేక్షకులకు పరిచయమై 13 ఏండ్లైంది. ఈ సందర్భంగా సమంత అభిమానులను ఉద్దేశించి ఇన్‌స్టాగ్రామ్‌లో ఎమోషనల్‌ పోస్ట్‌ (Emotional Post) పెట్టింది.

February 27, 2023 / 02:18 PM IST

Samantha Ruth Prabhu | 13 ఏండ్ల ప్రయాణం.. ఇకపై నన్ను ఏదీ బాధించదు.. సమంత ఎమోషనల్‌ పోస్ట్‌..!

Samantha Ruth Prabhu | టాలీవుడ్‌ స్టార్‌ (Tollywood Star) నటి సమంత (Samantha) తెలుగు ప్రేక్షకులకు పరిచయమై 13 ఏండ్లైంది. మొదటిసారిగా ‘ఏమాయ చేశావే’ ( Ye Maaya Chesave) చిత్రంతో టాలీవుడ్‌లోకి హీరోయిన్‌గా ఎంట్రీ ఇచ్చింది. నాగచైతన్య (Naga Chaitanya) కథానాయకుడిగా నటించిన ఆ సినిమాలో జెస్సీ పాత్రలో సమంత యువతరాన్ని మంత్రముగ్ధుల్ని చేసింది. అనంతరం పలు విజయవంతమైన చిత్రాల్లో నటించి తిరుగులేని స్టార్‌డమ్‌ను సంపాదించుకుంది. ఇక ఆమె నటించిన ‘ఏ మాయ చేశావే’ సినిమా విడుదలై 13 ఏండ్లు అవుతోంది.

ఈ సందర్భంగా సమంత అభిమానులను ఉద్దేశించి ఇన్‌స్టాగ్రామ్‌లో ఎమోషనల్‌ పోస్ట్‌ (Emotional Post) పెట్టింది. తనపై ప్రేమను చూపిస్తోన్న అభిమానులకు కృతజ్ఞతలు తెలిపింది. వాళ్ల ప్రేమ వల్లే తాను ఈ స్థాయిలో ఉన్నానని.. ఇది ఎప్పటికీ ఇలాగే ఉండాలని కోరుకుంది. ‘ఈ జర్నీలో ఎన్నో విషయాలు నన్ను బాధించాయి. ఇకపై ఏదీ నన్ను బాధపెట్టదు. కేవలం అభిమానుల ప్రేమ, కృతజ్ఞతతో ఇలా కొనసాగుతున్నా. నేను ఎంత ఎదిగినా.. ఎంత దూరం ప్రయాణించినా.. అభిమానులు చూపించే ప్రేమాభిమానాన్ని మర్చిపోలేను. అలాగే, నాకు కొత్త విషయాలను పరిచయం చేస్తోన్న ప్రతిరోజుకూ థ్యాంక్స్‌’ అంటూ సామ్‌ తన పోస్ట్‌లో రాసుకొచ్చారు.

సమంత (Samantha) -నాగచైతన్య (Naga Chaitanya) జంటగా నటించిన ‘ఏ మాయ చేశావే’ ( Ye Maaya Chesave) చిత్రం 2010 ఫిబ్రవరి 26న విడుదలైంది. ఈ చిత్రంలో సామ్‌ జెస్సీ పాత్రలో నటించి మెప్పించింది. ఫీల్‌ గుడ్‌ ప్రేమకథగా దీన్ని తెరకెక్కించారు. ఈ చిత్రానికి గౌతమ్‌ మేనన్‌ (Gautam Menon) దర్శకత్వం వహించారు. ఈ సినిమా తర్వాత ప్రేమలో పడిన సామ్‌-చై.. 2017లో వివాహ బంధంతో ఒక్కటయ్యారు. అనంతరం కొన్ని అనుకోని కారణాల వల్ల 2021లో వీరు తమ బంధానికి స్వస్తిపలికారు.

ఇక సామ్‌.. కొంతకాలంగా ‘మయోసైటిస్‌’ (myositis) అనే ఆటో ఇమ్యూనిటీ డిసీజ్‌తో బాధపడుతున్న విషయం తెలిసిందే. ఇప్పుడిప్పుడే దాని నుంచి కోలుకుంటోంది. మయోసైటిస్‌ కారణంగా ‘యశోద’ (Yashoda) చిత్రం తర్వాత విరామం తీసుకున్న సమంత.. తిరిగి తన ప్రాజెక్టులను పూర్తిచేసే పనిలో పడింది. ‘శాకుంతలం’ (Sakuntalam) ప్రమోషన్స్‌ చేస్తూనే రాజ్‌ అండ్‌ డీకే తెరకెక్కిస్తున్న ‘సిటాడెల్‌’ (citadel) వెబ్‌ సిరీస్‌లో నటిస్తోంది. త్వరలోనే ‘ఖుషి’ (khushi) చిత్రీకరణలోనూ సామ్‌ జాయిన్‌ కాబోతోంది.