Jigarthanda-2 Movie | ‘జిగార్తండ‌-2’లో విల‌న్‌గా స్టార్ డైరెక్ట‌ర్‌?

Jigarthanda-2 Viilain | కార్తిక్ సుబ్బ‌రాజు ద‌ర్శ‌క‌త్వంలో తెర‌కెక్కిన 'జిగార్తండ‌' ఎంత పెద్ద విజ‌యం సాధించిందో అందిరికి తెలిసిందే. దాదాపు 8 ఏళ్ళ త‌ర్వాత ఈ చిత్రానికి సీక్వెల్ తెర‌కెక్క‌నుంది. ప్ర‌స్తుతం ప్రీ ప్రొడ‌క్ష‌న్ పనుల‌ను జ‌రుప‌కుంటున్న ఈ చిత్రం త్వ‌ర‌లోనే సెట్స్‌పైకి వెళ్ళ‌నుంది.

Jigarthanda-2 Viilain | ‘పిజ్జా’, ‘జిగ‌ర్తాండ‌’, ‘పేట‌’, ‘మ‌హాన్’ వంటి చిత్రాల‌తో తమిళంలో మంచి గుర్తింపు తెచ్చుకున్న ద‌ర్శ‌కుడు కార్తిక్ సుబ్బ‌రాజ్. డెబ్యూ సినిమాతోనే తమిళ పరిశ్ర‌మ‌ను ఒక్క సారిగా త‌న‌వైపు చూసేలా చేసుకున్నాడు. ఇక ఈయ‌న సినిమాల్లో జిగార్తండ చాలా మంది ఫేవ‌రెట్. సిద్ధార్థ్ హీరోగా న‌టించిన ఈ సినిమాలో బాబి సింహా ముఖ్య పాత్ర‌లో న‌టించాడు. 2014లో విడుద‌లైన ఈ చిత్రం త‌మిళంలో సెన్సేష‌న్ క్రియేట్ చేసింది. క‌మ‌ర్షియ‌ల్‌గా ఈ చిత్రం భారీ విజ‌యం సాధించ‌క పోయినా విమ‌ర్శ‌కుల నుండి గొప్ప ప్ర‌శంస‌లు అందుకుంది. ఈ చిత్రాన్ని తెలుగులో వ‌రుణ్‌తేజ్ ‘గ‌ద్ద‌ల‌కొండ గణేష్’ టైటిల్‌తో రీమేక్ చేశాడు. 8ఏళ్ళ త‌ర్వాత ఈ చిత్రానికి సీక్వెల్‌ను తెర‌కెక్కిస్తున్న‌ట్లు కార్తిక్ సుబ్బ‌రాజు ఇటీవ‌లే ప్ర‌క‌టించిన విష‌యం తెలిసిందే.

జిగార్తాండ-2లో హీరోగా రాఘ‌వ లారెన్స్ నటించ‌నున్న‌ట్లు తెలుస్తుంది. ఇదిలా ఉంటే తాజాగా ఈ చిత్రానికి సంబంధించిన మ‌రో వార్త నెట్టింట వైర‌ల్‌గా మారింది. ఈ సినిమాలో ప్ర‌ముఖ ద‌ర్శ‌కుడు, న‌టుడు ఎస్‌.జే సూర్య ఓ కీల‌క‌పాత్ర‌లో న‌టించ‌నున్నాడట‌. ఈయ‌న పాత్ర నెగెటీవ్ షేడ్స్‌లో ఉండ‌నుంద‌ట‌. ఇప్ప‌టికే క‌థా చ‌ర్చ‌లు కూడా ముగిసాయ‌ని స‌మాచారం. త్వ‌ర‌లోనే దీనికిపై అధికారిక ప్ర‌క‌ట‌న రానుంది. ప్ర‌స్తుతం స్క్రీప్ట్ ప‌నులు జ‌రుపుకుంటున్న ఈ ప్రాజెక్ట్‌ త్వ‌ర‌లోనే సెట్స్‌పైకి వెళ్ళ‌నుంది. ఫైవ్ స్టార్ క్రియేష‌న్స్ ఈ చిత్రాన్ని అత్యంత భారీ స్థాయిలో నిర్మిస్తుంద‌ట‌.

Read Also:

Dasara Movie | భారీ ధ‌ర‌కు నాని ‘ద‌సరా’ థియేట్రిక‌ల్ రైట్స్?

Cobra Movie | ఓటీటీలోకి ‘కోబ్రా’ మూవీ.. స్ట్రీమింగ్ ఎప్పుడంటే?

Raviteja | ర‌వితేజకు జోడీగా అనుప‌మ ప‌ర‌మేశ్వ‌ర‌ణ్‌?

Ponniyin Selvan | ‘పొన్నియ‌న్ సెల్వ‌న్‌’లో ఐశ్వ‌ర్య‌రాయ్ విల‌న్‌గా న‌టిస్తుందా?