RRR | ఆర్‌ఆర్‌ఆర్‌ ఖాతాలో మరో ఇంటర్నేషనల్ అవార్డు.. వివరాలివే

బాహుబలి ప్రాంఛైజీ తర్వాత గ్లోబల్‌ బాక్సాఫీస్‌ వద్ద తెలుగు సినిమా సత్తా ఏంటో చూపించింది ఆర్‌ఆర్‌ఆర్‌. ఇప్పటికే సటర్న్‌ అవార్డ్స్‌ (ప్రతిష్టాత్మక అమెరికన్‌ అవార్డు)లో ఆర్‌ఆర్‌ఆర్‌ 'ఉత్తమ అంతర్జాతీయ చిత్రం అవార్డు అందుకుంది.

చరిత్ర సృష్టించాలన్నా.. చరిత్ర తిరగరాయాలన్నా.. ట్రెండ్‌ సెట్‌ చేయాలన్నా మా తర్వాతే ఎవరైనా అంటోంది ఆర్‌ఆర్‌ఆర్‌ (RRR) టీం. బాహుబలి ప్రాంఛైజీ తర్వాత గ్లోబల్‌ బాక్సాఫీస్‌ వద్ద తెలుగు సినిమా సత్తా ఏంటో చూపించింది ఆర్‌ఆర్‌ఆర్‌. ఎన్నో రికార్డులు సృష్టిస్తూ.. అంతర్జాతీయ స్థాయిలో కూడా అవార్డులు అందుకుంది. ఇప్పటికే సటర్న్‌ అవార్డ్స్‌ (ప్రతిష్టాత్మక అమెరికన్‌ అవార్డు)లో  ‘ఉత్తమ అంతర్జాతీయ చిత్రం అవార్డు అందుకుంది ఆర్‌ఆర్‌ఆర్‌.

కాగా ఇపుడు రాజమౌళి (SS Rajamouli)టీం ఖాతాలో మరో ఇంటర్నేషనల్ అవార్డు పడింది. ఆర్‌ఆర్‌ఆర్‌ మరోసారి ఇదే కేటగిరీలో సన్‌సెట్‌ సర్కిల్ అవార్డు గెలుచుకుంది. నాలుగు ఇతర ఇంటర్నేషనల్ అవార్డ్స్‌లో నామినేట్‌ అయిన ఆర్‌ఆర్‌ఆర్ ఫైనల్‌గా విన్నర్‌గా నిలిచింది. ఈ పురస్కారం రావడం పట్ల ఆర్‌ఆర్‌ఆర్‌ టీం చాలా సంతోషంగా ఉంది. ఈ సందర్భంగా జక్కన్న టీంకు సినీ జనాలు, ప్రముఖులు శుభాకాంక్షలు తెలియజేస్తున్నారు.

ఆర్‌ఆర్‌ఆర్‌లో రాంచరణ్‌ (Ram Charan) అల్లూరి సీతారామ‌రాజు పాత్రలో నటించగా..ఎన్టీఆర్ (Jr NTR) కొమ్రంభీం పాత్ర పోషించాడు. అలియాభట్‌, అజయ్‌ దేవ్‌గన్‌, శ్రియాశరణ్‌, ఒలివియా మొర్రీస్‌, సముద్రఖని ఈ మూవీలో కీలక పాత్రల్లో నటించారు. డీవీవీ ఎంటర్‌టైన్‌ మెంట్స్‌ బ్యానర్‌పై డీవీవీ దానయ్య అత్యంత భారీ బడ్జెట్‌తో తెరకెక్కించిన ఆర్ఆర్ఆర్ ప్రపంచవ్యాప్తంగా రూ.1100 కోట్లకుపైగా కలెక్షన్లు వసూళ్లు రాబట్టి గ్లోబల్‌ బాక్సాఫీస్‌ ను షేక్ చేసంది.

Best International Feature, Winner: #RRRMovie #SCAwards pic.twitter.com/ctoIdxlZmT

— Sunset Circle Awards (@SunsetAwards) November 30, 2022