Rocky aur Rani ki prem kahani Movie | హిందీ చిత్రసీమలో ప్రేమకథలకు కేరాఫ్ అడ్రెస్గా కరణ్ జోహర్ను చెప్పుకుంటుంటారు. తీసింది కొన్ని సినిమాలే అయినా.. అన్ని బంపర్ హిట్లే. ఆయన నుంచి సినిమా వస్తుందే అది పక్కా బ్లాక్బస్టర్ హిట్టే అనే విధంగా బాలీవుడ్ ప్రేక్షకులు భావిస్తుంటారు. ఇక గతకొంత కాలంగా కరణ్ అమావాస్యకో సినిమా అన్నట్లు అడపా దడపాగా సినిమాలకు దర్శకత్వం వహిస్తూ వస్తున్నాడు. ఏడేళ్ల తర్వాత కరణ్ రాకీ ఔర్ రాణీ కీ ప్రేమ్ కహాని సినిమా కోసం మెగాఫోన్ పట్టాడు. రణ్వీర్ సింగ్ హీరోగా నటిస్తున్న ఈ సినిమా షూటింగ్ పూర్తి చేసుకుని పోస్ట్ ప్రొడక్షన్ పనులలో బిజీగా ఉంది.
తాజాగా మేకర్స్ ఈ సినిమా టీజర్ను విడుదల చేశారు. ఒక్క డైలాగ్ లేకుండా సంగీతంతోనే టీజర్ను నింపేశారు. కరణ్ తన స్టైల్ ఆఫ్ కామెడీని, ఎమోషన్స్ను పుష్కలంగా దట్టించినట్లు టీజర్ చూస్తే స్పష్టమవుతుంది. ప్రేమ, భావోద్వేగం, సంఘర్షణ వంటి మూడింటి కలయికలో ఈ సినిమా రూపొందింది. కుటుంబ కథా నేపథ్యంలో మంచి ఎంటర్టైనర్గా ఈ సినిమా ఉండబోతుందని తెలుస్తుంది. ధర్మేంద్రా, జయా బచ్చన్ కీలకపాత్రల్లో నటిస్తున్న ఈ సినిమా జూలై 28న ప్రేక్షకుల ముందుకు రానుంది. కరణ్ జోహార్ ఇండస్ట్రీలోకి వచ్చి పాతికేళ్లు పూర్తవుతున్న సందర్భంగా ఈ సినిమాను తెరకెక్కించాడు. వయాకామ్18 స్టూడీయోస్తో కలిసి ధర్మ ప్రొడక్షన్స్ బ్యానర్పై కరణ్ స్వీయ నిర్మాణంలో ఈ సినిమాను రూపొందించాడు.