RAPO | హీరో రామ్ నటిస్తున్న కొత్త సినిమా విడుదల తేదీ ఖరారైంది. దసరా పండుగ సందర్భంగా అక్టోబర్ 20న ఈ సినిమాను ప్రేక్షకుల ముందుకు తీసుకొస్తున్నట్లు చిత్రబృందం సోమవారం వెల్లడించింది. ఈ చిత్రానికి బోయపాటి శ్రీను దర్శకత్వం వహిస్తున్నారు. పాన్ ఇండియా మూవీగా శ్రీనివాసా సిల్వర్ స్క్రీన్స్ పతాకంపై శ్రీనివాసా చిట్టూరి నిర్మిస్తున్నారు. శ్రీలీల నాయికగా నటిస్తున్నది.
యాక్షన్ ఎంటర్టైనర్గా తెరకెక్కుతున్న ఈ సినిమాలో అన్ని కమర్షియల్ అంశాలు జోడిస్తున్నారు. భారీ యాక్షన్ సీక్వెన్సులతో పాటు పాటలకు ప్రాధాన్యత ఇస్తున్నట్లు సమాచారం. విడుదల తేదీ ప్రకటన సందర్భంగా ఓ ఫొటోను విడుదల చేశారు. పండుగ సంబురాల్లో ఓ పోరాట ఘట్టం..అందులో కథానాయకుడు పౌరుషంగా కదులుతున్న ఈ స్టిల్ ఆకట్టుకునేలా ఉంది.