Ram Charan | అమెరికన్‌ టీవీ షోలో రాంచరణ్‌.. తొలి టాలీవుడ్ నటుడిగా సూపర్ క్రేజ్‌

రాంచరణ్‌ (Ram Charan) ఫిబ్రవరి 24న యూఎస్‌లో జరుగబోయే ఆరవ వార్షిక హెచ్‌సీఏ ఫిల్మ్‌ అవార్డ్స్ ఈవెంట్‌కు హాజరు కానున్నాడు. ఇదిలా ఉంటే తాజాగా రాంచరణ్‌కు సంబంధించిన మరో ఆసక్తికర వార్త నెట్టింట హల్‌ చల్ చేస్తోంది.

February 22, 2023 / 04:22 PM IST

Ram Charan | అమెరికన్‌ టీవీ షోలో రాంచరణ్‌.. తొలి టాలీవుడ్ నటుడిగా సూపర్ క్రేజ్‌

Ram Charan | టాలీవుడ్ స్టార్ హీరో రాంచరణ్‌ (Ram Charan) యూఎస్‌కు వెళ్తున్నపుడు ఎయిర్‌పోర్టులో మెరిసిన స్టిల్స్ ఇప్పటికే నెట్టింట ట్రెండింగ్ అవుతున్నాయి. ఈ స్టార్ హీరో ఫిబ్రవరి 24న యూఎస్‌లో జరుగబోయే ఆరవ వార్షిక హెచ్‌సీఏ ఫిల్మ్‌ అవార్డ్స్ ఈవెంట్‌కు హాజరు కానున్నాడు. ఇదిలా ఉంటే తాజాగా రాంచరణ్‌కు సంబంధించిన మరో ఆసక్తికర వార్త నెట్టింట హల్‌ చల్ చేస్తోంది. అమెరికా పాపులర్‌ టెలివిజన్‌ షో Good Morning Americaలో మెరువబోతున్నాడు రాంచరణ్‌.

అమెరికా పాపులర్‌ టీవీ షోలో సందడి చేయబోతున్న తొలి టాలీవుడ్ నటుడు రాంచరణ్‌ కావడం విశేషం. ఈ షోలో ఆర్‌ఆర్‌ఆర్‌ సినిమాకు సంబంధించిన విశేషాలతోపాటు అప్‌కమింగ్ ప్రాజెక్ట్‌ల గురించి చర్చించనున్నాడు రాంచరణ్‌. భారత కాలమానం ప్రకారం ఏబీసీ ఛానల్‌లో ఇవాళ రాత్రి 11:30 గంటలకు ఈ షో ప్రసారం కానుంది. ఈ షోలో రాంచరణ్‌ తన వ్యక్తిగత, వృత్తిపరమైన ఆసక్తికర విషయాలను షేర్ చేసుకుంటాడని అభిమానులు ఆసక్తిగా ఎదురుచూస్తున్నారు.

రాంచరణ్‌ హెచ్‌సీఏ ఫిల్మ్‌ అవార్డ్స్‌-2023కు వన్‌ ఆఫ్‌ ది ప్రెజెంటర్‌గా వ్యవహరించనున్నాడు. అమెరికన్‌ యాక్టర్లు బ్రండోన్‌ పెరెరా, డేవిడ్‌ డస్ట్‌మాల్చియాన్‌, మేడ్‌లిన్‌ క్లైన్‌, ట్రినిటీ జో-లీ బ్లిస్‌, వయోలెట్ ఎంసీగ్రాతో కలిసి పాపులర్‌ హెచ్‌సీఏ ఫిల్మ్‌ అవార్డ్సులో మెరువబోతున్నాడు రాంచరణ్‌. ఆర్‌ఆర్‌ఆర్‌ హెచ్‌సీఏ ఫిల్మ్‌ అవార్డ్స్‌-2023 ఫైనల్‌ నామినేషన్స్‌ లో ఉత్తమ యాక్షన్‌ సినిమా, ఉత్తమ అంతర్జాతీయ చిత్రం, ఉత్తమ దర్శకుడు, ఉత్తమ చిత్రం విభాగాల్లో చోటు సంపాదించుకున్న విషయం తెలిసిందే.

Mega Power Star @alwaysRamCharan is going to be a part of Good Morning America 3, a very popular American talk show. The show will be aired at 1pm PST. Truly a proud moment to see our star on one of the most known shows in the world. #RamCharan pic.twitter.com/xAmf2rir4E

— Ramesh Bala (@rameshlaus) February 22, 2023