UNSTOPPABLE-2 | పవన్‌ కళ్యాణ్‌ సీక్రెట్స్‌ను బయటపెట్టిన రామ్‌చరణ్‌..!

ఎప్పుడెప్పుడా అని పవన్‌ అభిమానులు ఎంతగానో ఎదురుచూస్తున్న అన్‌స్టాపబుల్‌ పవన్‌ ఎపిసోడ్‌ గత రాత్రి నుండి స్ట్రీమింగ్‌ అవుతుంది. వీరిద్దరి మధ్య సంభాషణలు ఎలా ఉంటాయి అనే ఉత్కంఠకు తెరపడింది.

Unstoppable-2 | ఎప్పుడెప్పుడా అని పవన్‌ అభిమానులు ఎంతగానో ఎదురుచూస్తున్న అన్‌స్టాపబుల్‌ పవన్‌ ఎపిసోడ్‌ గత రాత్రి నుండి స్ట్రీమింగ్‌ అవుతుంది. వీరిద్దరి మధ్య సంభాషణలు ఎలా ఉంటాయి అనే ఉత్కంఠకు తెరపడింది. బాలయ్య ఎప్పటిలాగే చలాకీ ప్రశ్నలు వేస్తూ పవన్‌తో సమాధానాలు రాబట్టాడు. ఇక ప్రభాస్ ఎపిసోడ్‌లో లాగానే చరణ్‌కు ఫోన్‌ చేసి పవన్‌కు నీకు మధ్య జరిగిన ఆసక్తకరమైన సంఘటన గురించి బాలయ్య అడిగితెలుసుకున్నాడు.

ఫోన్‌ కాల్‌లో పరస్పర పలకరింపుల తర్వాత వీరి మధ్య సంఘటన గురించి అడగ్గా తండ్రి చిరంజీవి హీరోగా, బాబాయి నాగబాబు నిర్మాతగా బిజీగా ఉన్న సమయంలో పవన్‌ బాబాయ్‌కు పిల్లలను చూసుకునే డ్యూటీ ఉండేదని చెప్పాడు. చరణ్‌ ఐదేళ్ల వయసులో ఓ సారి సింగపూర్‌ వెళ్లినప్పుడు అక్కడ పిజ్జాలు, బర్గర్‌లంటూ ఏది పడితే అది తినేసి రోడ్డుపై వామ్‌టింగ్‌ చేసుకున్నాడట. అయితే అప్పుడు పవన్‌.. అందరూ చూస్తున్నారని పట్టించుకోకుండా ఓపిగ్గా మొత్తం శుభ్రం చేసి హోటల్‌కు తీసుకుపోయాడని చరణ్‌ తెలిపాడు.

దీంతో పాటుగా పవన్‌ సీక్రెట్స్‌ గురించి చెప్పమని బాలయ్య అడగ్గా ఆయన లైఫ్‌ బోరింగ్‌. సీక్రెట్స్‌ ఏం ఉండవు. బాబాయ్‌కి హైదరాబాద్‌ బిర్యానీ అంటే చాలా ఇష్టం. వారంలో ఏడు రోజులు తినమన్నా తింటారు అంటూ పవన్‌ గురించి చెప్పుకొచ్చాడు. గురువారం రాత్రి 9గంటలకు విడుదలైన ఈ ఎపిసోడ్‌ 14 గంటల్లోనే వంద మిలియన్ల స్ట్రీమింగ్‌ మినట్స్‌ను సాధించి సరికొత్త రికార్డు సృష్టిచింది.