Ram Charan | రామ్ చ‌ర‌ణ్ కంటి ద‌గ్గ‌ర అంత పెద్ద గాయ‌మైందా.. నెట్టింట వైర‌ల్ అవుతున్న ఫొటో

Ram Charan | మెగా పవర్ స్టార్ రామ్ చరణ్ ప్రస్తుతం గ్లోబల్ స్థాయిలో తన ఇమేజ్‌ను మరింత బలపరుచుకుంటూ భారీ ప్రాజెక్టులతో బిజీగా ఉన్నారు. RRR తర్వాత ఆయన నటిస్తున్న ప్రతి సినిమాపై అంచనాలు ఆకాశాన్ని తాకుతున్నాయి. ఈ క్రమంలోనే ‘ఉప్పెన’ ఫేమ్ దర్శకుడు బుచ్చిబాబు సానాతో కలిసి చేస్తున్న ప్రతిష్టాత్మక చిత్రం ‘పెద్ది’ ఇప్పటికే భారీ హైప్‌ను క్రియేట్ చేసింది.

Ram Charan | మెగా పవర్ స్టార్ రామ్ చరణ్ ప్రస్తుతం గ్లోబల్ స్థాయిలో తన ఇమేజ్‌ను మరింత బలపరుచుకుంటూ భారీ ప్రాజెక్టులతో బిజీగా ఉన్నారు. RRR తర్వాత ఆయన నటిస్తున్న ప్రతి సినిమాపై అంచనాలు ఆకాశాన్ని తాకుతున్నాయి. ఈ క్రమంలోనే ‘ఉప్పెన’ ఫేమ్ దర్శకుడు బుచ్చిబాబు సానాతో కలిసి చేస్తున్న ప్రతిష్టాత్మక చిత్రం ‘పెద్ది’ ఇప్పటికే భారీ హైప్‌ను క్రియేట్ చేసింది. స్పోర్ట్స్ డ్రామా నేపథ్యంలో తెరకెక్కుతున్న ఈ చిత్రాన్నిమైత్రి మూవీ మేక‌ర్స్, సుకుమార్ రైటింగ్స్ సంయుక్తంగా నిర్మిస్తున్నాయి. ఈ సినిమాకు ఆస్కార్ విజేత ఏ ఆర్ రెహమాన్ సంగీతం అందిస్తుండటం ప్రత్యేక ఆకర్షణ. ఈ సినిమాలో రామ్ చరణ్ ఒక కొత్త, రగ్గడ్ లుక్‌లో కనిపించనున్నారని సమాచారం. మొదట మార్చి 27న విడుదల కావాల్సిన ఈ చిత్రం పలు కారణాల వల్ల వాయిదా పడింది. తాజా సమాచారం ప్రకారం, ఈ సినిమాను జూన్ 26న ప్రపంచవ్యాప్తంగా రిలీజ్ చేయాలని నిర్మాతలు ప్లాన్ చేస్తున్నట్లు టాక్ వినిపిస్తోంది.

మార్చి చివరి వారంలో ‘పెద్ది’ షూటింగ్ సందర్భంగా ఓ కీలక యాక్షన్ సీన్ చిత్రీకరిస్తున్న సమయంలో అనూహ్యమైన ప్రమాదం చోటుచేసుకుంది. రామ్ చరణ్ డూప్ లేకుండా స్వయంగా స్టంట్స్ చేయడానికి ప్రయత్నించే సమయంలో ఆయన కంటి పైభాగంలో గాయమైంది. వెంటనే యూనిట్ షూటింగ్ నిలిపివేసి ఆయనకు చికిత్స అందించింది. గాయం తీవ్రత దృష్ట్యా వైద్యులు నాలుగు కుట్లు వేశారు. ఈ వార్త బయటకు రాగానే అభిమానులు ఆందోళనకు గురయ్యారు. సోషల్ మీడియాలో “గెట్ వెల్ సూన్ చరణ్ అన్న” అంటూ భారీగా పోస్టులు చేశారు. అయితే, ఇది పెద్ద ప్రమాదం కాదని, చరణ్ సురక్షితంగా ఉన్నారని చిత్ర బృందం స్పష్టం చేయడంతో అభిమానులు ఊపిరి పీల్చుకున్నారు.

గాయం అయినప్పటికీ రామ్ చరణ్ తన డెడికేషన్‌ను చాటుకున్నారు. వైద్యులు విశ్రాంతి తీసుకోవాలని సూచించినా, ఆయన మరుసటి రోజే సెట్స్‌కు తిరిగి వచ్చారు. కంటిపై కట్టుతోనే షూటింగ్‌లో పాల్గొనడం ఆయన కమిట్‌మెంట్‌కు నిదర్శనం. అదే సమయంలో ఆయన పుట్టినరోజు (మార్చి 27) రావడంతో సెట్స్‌లోనే బర్త్‌డే వేడుకలు జరుపుకున్నారు. గాయంతో ఉన్నప్పటికీ అభిమానులతో కలిసి కేక్ కట్ చేసి సందడి చేశారు. ప్రస్తుతం సోషల్ మీడియాలో రామ్ చరణ్ గాయంతో ఉన్న ఒక ఫోటో వైరల్ అవుతోంది. ఇందులో ఆయన ఎల్లో కలర్ డిజైనర్ శాలువాతో, రగ్గడ్ బేర్డ్ లుక్‌లో కనిపిస్తున్నారు. కంటి పైభాగంలో గాయం, కుట్లు స్పష్టంగా కనిపిస్తున్నప్పటికీ, ఆయన ముఖంలో చిరునవ్వు మాత్రం చెదరలేదు. ఈ ఫోటో చూసిన అభిమానులు ఆయన త్వరగా కోలుకోవాలని ఆకాంక్షిస్తున్నారు. కొద్దిరోజుల విశ్రాంతి తర్వాత రామ్ చరణ్ మళ్లీ ‘పెద్ది’ షూటింగ్‌లో పాల్గొనడానికి సిద్ధమవుతున్నట్లు సమాచారం.