కొన్నేండ్ల కిందటే నేరుగా హిందీలో సినిమా చేశారు రామ్ చరణ్. అమితాబ్ సూపర్హిట్ సినిమా ‘జంజీర్’ రీమేక్లో చరణ్ నటించారు. ఈ సినిమా గురించి తాజా ఇంటర్వ్యూలో మాట్లాడారు దర్శకుడు అపూర్వ లఖియా. అప్పటికి చరణ్ బాలీవుడ్ ప్రేక్షకులకు కొత్త హీరో కాబట్టి అతన్ని యాక్సెప్ట్ చేయలేకపోయారని, ఇప్పుడు కనుక రామ్చరణ్ హిందీ సినిమాలో నటిస్తే తప్పకుండా ఘన విజయాన్ని అందుకుంటాడని ఆయన చెప్పారు. అపూర్వ లఖియా మాట్లాడుతూ…
‘రామ్చరణ్, ప్రియాంక చోప్రా, సంజయ్ దత్ ఇలా పెద్ద స్టార్స్తో పాటు భారీ బడ్జెట్తో ‘జంజీర్’ రూపొందించాం. ఆ సినిమాకు ఏం కావాలో అవన్నీ రాజీ పడకుండా సమకూర్చుకున్నాం. అయినా సినిమా ఆశించిన విజయం సాధించలేదు. బహుశా అప్పటికి హిందీ ప్రేక్షకులకు రామ్చరణ్ తెలియకపోవడం కారణం కావచ్చు. ఈ సినిమా అపజయం మా మధ్య దూరాన్ని పెంచలేదు. కానీ ఇప్పుడు ఆయన హిందీ సినిమా చేస్తే తప్పకుండా ఆదరణ లభిస్తుంది’ అని చెప్పాడు.