Rakhi Sawant | పెండ్లయింది బ్రదర్‌.. కాస్తా దూరంగా ఉండు.. అప్పుడంటే అది వేరు.. ఇప్పుడు నన్ను తాకలేరు : రాఖీ సావంత్‌

Rakhi Sawant | ఓ అభిమానిపై చిరు కోపం ప్రదర్శిస్తూ రాఖీ సావంత్‌ చేసిన వ్యాఖ్యలు.. సోషల్‌ మీడియాలో షేక్‌ చేస్తున్నాయి. గతంలో అయితే వేరే కథ.. ఇప్పుడు పెండ్లయింది.. ముట్టుకోలేరని అభిమానిని రాఖీ వారించింది.

Rakhi Sawant | బాలీవుడ్‌ సెక్స్‌ క్వీన్‌గా పేరుగాంచిన రాఖీ సావంత్.. తన చేష్టలతో, మాటలతో వార్తల్లో వ్యక్తిగా నిలుస్తూ వస్తున్నది. గత ఏడాది ఫిబ్రవరిలో వాలంటైన్స్‌ డే రోజున భర్త నుంచి విడిపోతున్నట్లు ప్రకటించి అందర్నీ షాక్‌కు గురిచేసింది. కాగా, ఏడాది తిరక్కముందే అదిల్‌ ఖాన్‌ను వివాహమాడి మరోసారి వార్తల్లోకెక్కింది. ఇప్పుడు తన అభిమానిపై చిరు ఆగ్రహం ప్రదర్శిస్తూ పాపరాజ్జీలకు చిక్కిన వీడియో నెట్టింట హల్‌చల్‌ చేస్తున్నది.

ముంబైలో రాఖీ సావంత్‌ కనపడగానే ఓ అభిమాని పరిగెత్తుకెళ్లి సెల్ఫీ తీసుకునేందుకు ప్రయత్నించాడు. దాంతో అతడ్ని వారించిన రాఖీ సావంత్‌.. ‘ఓ భయ్యా! నాకు పెళ్లయింది.. కాస్తా దూరం జరుగు..’ అని చెప్పింది. దానికి ఆ అభిమాని ‘అవును.. సరే సరే’ అంటూనే మరోసారి దగ్గరగా వచ్చి సెల్ఫీ తీసుకున్నాడు. దాంతో మరోసారి ‘పెండ్లికాక ముందంటే అది వేరు.. ఇప్పుడు నాకు పెండ్లయింది..’ అంటూ అతడిపై చిరు కోపం ప్రదర్శించింది. పాపరాజ్జీలు రాఖీ సావంత్‌ వీడియోను ఇన్‌స్టాగ్రామ్‌లో పోస్ట్‌ చేయడంతో ఇప్పుడది వైరల్‌గా మారింది. చాలా నిరుత్సాహంగా కూడా కనిపించింది.

 

View this post on Instagram

 

A post shared by Viral Bhayani (@viralbhayani)

ఈ వీడియోపై నెటిజెన్లు చమత్కారంగా కామెంట్లు పెడుతున్నారు. ఆమె నిజంగా ఫన్నీ.. కొత్త పదాలతో వస్తుంటారు అని ఒకరు రాయగా.. రోడ్డు పక్కన సమస్యలకు ఎందుకు పరిష్కారం కనుగొంటున్నారని మరో నెటిజెన్‌ కామెంట్‌ చేశారు. ఇంతకు ముందు కూడా పెండ్లయింది కాదా అని ఒకరు రాఖీ సావంత్‌కు పెళ్లయిన విషయాన్ని గుర్తుచేశారు. గత వారం తన ప్రియుడు ఆదిల్ ఖాన్‌తో వివాహాన్ని రాఖీ ధ్రువీకరించింది. తన రహస్య వివాహం గత ఏడాది జూలై 2న జరిగిందని చెప్పి తన పెండ్లి ఫొటోలను Instagram వేదికపై షేర్‌ చేసుకున్నారు. రాఖీ సావంత్ గతంలో రితేష్ రాజ్‌ను వివాహం చేసుకుంది. సల్మాన్ ఖాన్ రియాల్టీ షో బిగ్ బాస్ 15లో వీరిద్దరూ కలిసి కనిపించారు.