Visit:
Pooja Hegde | హిందీ చిత్రసీమలో వరుస పరాజయాలు పలకరించడంతో ఇప్పుడు తమిళ ఇండస్ట్రీపై దృష్టి పెడుతున్నది అగ్ర కథానాయిక పూజా హెగ్డే. దళపతి విజయ్‌ ‘జన నాయగన్‌’, సూర్య ‘రెట్రో’ చిత్రాల్లో ఈ భామ కథానాయికగా నటిస్తున్న విషయం తెలిసిందే. తాజాగా కోలీవుడ్‌లో ఈ సొగసరి మరో భారీ ఆఫర్‌ను దక్కించుకుంది. రజనీకాంత్‌ ‘కూలీ’ చిత్రంలో పూజాహెగ్డే స్పెషల్‌సాంగ్‌లో నర్తిస్తున్నదని తెలిసింది. ప్రస్తుతం ఈ పాట షూటింగ్‌ జరుగుతున్నదని, ఇందులో పూజాహెగ్డే నృత్యాలు ప్రధానాకర్షణగా నిలుస్తాయని మేకర్స్‌ అంటున్నారు.
పూజాహెగ్డేకు ఐటెంసాంగ్స్‌ కొత్తేమి కాదు. గతంలో రంగస్థలం, ఎఫ్‌-3 చిత్రాల్లో ఈ అమ్మడు ప్రత్యేక గీతాల్లో మెరిసింది. ఇటీవల విడుదలైన బాలీవుడ్‌ చిత్రం ‘దేవ’ బాక్సాఫీస్‌ వద్ద ఫెయిల్యూర్‌గా నిలవడంతో పూజాహెగ్డేకు నిరాశే ఎదురైంది. హిందీలో వరుస ఫ్లాపులను దృష్టిలో పెట్టుకొని ఇకపై దక్షిణాది సినిమాలకు ప్రాధాన్యతనివ్వాలనే ఆలోచనలో ఉందట పూజాహెగ్డే.
