‘వారణాసి’ కథలో అదే కీలకం!

‘వారణాసి’ కేవలం భారీ యాక్షన్‌, సాహసాలతో కూడిన సినిమా కాదని, విడిపోయిన తండ్రీకొడుకుల బంధం చుట్టూ అల్లుకున్న ఓ భావోద్వేగ ప్రయాణం ఈ కథలో కీలకంగా ఉంటుందని చెప్పారు చిత్ర దర్శకుడు రాజమౌళి. సినిమా షూటింగ్‌ ఇంకా పది రోజులు మాత్రమే మిగిలి ఉందని ఆయన వెల్లడించారు. మహేష్‌బాబు కథానాయకుడిగా రూపొందిస్తున్న ‘వారణాసి’ చిత్రం వచ్చే ఏడాది ఏప్రిల్‌ 7న ప్రపంచవ్యాప్తంగా విడుదలకానుంది.

‘వారణాసి’ కేవలం భారీ యాక్షన్‌, సాహసాలతో కూడిన సినిమా కాదని, విడిపోయిన తండ్రీకొడుకుల బంధం చుట్టూ అల్లుకున్న ఓ భావోద్వేగ ప్రయాణం ఈ కథలో కీలకంగా ఉంటుందని చెప్పారు చిత్ర దర్శకుడు రాజమౌళి. సినిమా షూటింగ్‌ ఇంకా పది రోజులు మాత్రమే మిగిలి ఉందని ఆయన వెల్లడించారు. మహేష్‌బాబు కథానాయకుడిగా రూపొందిస్తున్న ‘వారణాసి’ చిత్రం వచ్చే ఏడాది ఏప్రిల్‌ 7న ప్రపంచవ్యాప్తంగా విడుదలకానుంది. ఈ నేపథ్యంలో ఇటీవల బ్రెజిల్‌లో జరిగిన అంతర్జాతీయ చలనచిత్రోత్సవానికి హాజరైన దర్శకుడు రాజమౌళి ‘వారణాసి’ కథ గురించి ఆసక్తికరమైన విషయాల్ని పంచుకున్నారు.

తండ్రీకొడుకుల అనుబంధంతో పాటు అందమైన ప్రేమకథని కూడా ఈ సినిమాలో చూస్తారని తెలిపారు. వారణాసి, అంటార్కిటికా, ఆఫ్రికా నేపథ్యంలో వచ్చే ఘట్టాలు వేటికవే ప్రత్యేకంగా నిలుస్తాయని అన్నారు. ‘ఇది సైన్స్‌ ఫిక్షన్‌లా అనిపించినా..పౌరాణిక అంశాలతో కూడిన ఫాంటసీ చిత్రం. ఆరేడు సినిమాలు ఒకే చిత్రంలో ఇమిడ్చినట్లుగా అనిపిస్తుంది. వాటన్నింటినీ కలుపుతూ భావోద్వేగభరితంగా కథను నడిపించడమే అతి పెద్ద సవాలు’ అని రాజమౌళి పేర్కొన్నారు.