Raghavendra Rao K | భారత ప్రభుత్వానికి దర్శకేంద్రుడు రాఘవేంద్రరావు విజ్ఞప్తి.. వీడియో వైరల్

Raghavendra Rao K | సినీ, రాజకీయ రంగంలో దివంగత లెజెండరీ నటులు నందమూరి తారకరామారావు (Sr NTR) చేసిన సేవలను గుర్తు చేసుకుంటూ.. భారత ప్రభుత్వం ఆయన పేరు మీద 100 రూపాయల నాణాన్ని విడుదల చేసిందని తెలిసిందే. ఈ సందర్భంగా దర్శకేంద్రుడు కే రాఘవేంద్రరావు (Raghavendra Rao K)కేంద్రప్రభుత్వానికి కృతజ్ఞతలు తెలియజేశారు.

Raghavendra Rao K | తెలుగు సినిమా ఖ్యాతిని యావత్‌ ప్రపంచానికి చాటిన వ్యక్తుల్లో టాప్‌లో ఉంటారు దివంగత లెజెండరీ నటులు నందమూరి తారకరామారావు (Sr NTR). సినీ, రాజకీయ రంగంలో ఆయన చేసిన సేవలను గుర్తు చేసుకుంటూ.. భారత ప్రభుత్వం ఆయన పేరు మీద 100 రూపాయల నాణాన్ని విడుదల చేసిందని తెలిసిందే. ఈ ప్రత్యేకమైన క్షణాలను తెలుగు ప్రజలు ఘనంగా సెలబ్రేట్‌ చేసుకుంటున్నారు. ఈ సందర్భంగా దర్శకేంద్రుడు కే రాఘవేంద్రరావు (Raghavendra Rao K)కేంద్రప్రభుత్వానికి కృతజ్ఞతలు తెలియజేశారు.

నాకు దైవసమానులైన నందమూరి తారకరామారావు పేరుతో 100 రూపాయల నాణాన్ని (100 Coin) భారత ప్రభుత్వం విడుదల చేసిన సందర్భంగా నాకు చాలా ఆనందంగా ఉంది. నెక్ట్స్‌ త్వరలోనే ఆయనకు భారతప్రభుత్వం (Bharat Ratna) భారతరత్న (దేశ అత్యున్నత పౌర పురస్కారం) బిరుదు ఇస్తే.. తెలుగు జాతి నిజంగా గర్వించదగిన రోజు అవుతుంది. ఆ పనిని కూడా అందరూ కలిసి త్వరగా పూర్తి చేస్తారని నమ్ముతూ.. మీ రాఘవేంద్రరావు.. అంటూ ఓ వీడియో సందేశాన్ని పోస్ట్‌ చేశారు. ఈ వీడియో ఇప్పుడు నెట్టింట వైరల్‌ అవుతోంది.

మరి దర్శకేంద్రుడి విజ్ఞప్తికి కేంద్రం ఎలా స్పందిస్తుందనేది తెలియాల్సి ఉంది. ఈ విషయాన్ని పరిగణనలోకి తీసుకుంటే.. సీనియర్ ఎన్టీఆర్ వారసత్వానికి, భారతీయ సినిమా, రాజకీయాలపై ఆయన చూపిన శాశ్వత ప్రభావానికి గొప్ప ప్రాముఖ్యత లభించినట్లవుతుందని అంటున్నారు సినీ జనాలు.

దర్శకేంద్రుడు రాఘవేంద్రరావు విజ్ఞప్తి..

We Demand Bharat Ratna for NTR Garu#bharatrathna #ntr pic.twitter.com/r9k06SGSvL

— Raghavendra Rao K (@Ragavendraraoba) August 29, 2023