Srivalli | స్టైలిష్ స్టార్ అల్లు అర్జున్ని ఐకాన్స్టార్గా మార్చేసిన సినిమా ‘పుష్ప’. అంతేకాదు, దర్శకుడిగా సుకుమార్కి పాన్ ఇండియా డైరెక్టర్ హోదాను కట్టబెట్టిన సినిమా కూడా ‘పుష్ప’నే. ఇక రష్మిక అయితే.. ఈ సినిమాతో నేషనల్ క్రష్గా మారిపోయింది. ఆ సినిమాలో శ్రీవల్లిగా ఆమె చేసిన హడావిడి అంతా ఇంతా కాదు. ఓ విధంగా ‘పుష్ప’ వల్ల కొందరి జీవితాలు సమూలంగా మారిపోయాయనే చెప్పాలి. దాంతో ఇప్పుడు ‘పుష్ప-2’ ‘ది రూల్’ కోసం దేశవ్యాప్తంగా ఉన్న అభిమానులందరూ ఆసక్తిగా ఎదురుచూస్తున్నారు. మైత్రీమూవీ మేకర్స్ పతాకంపై నవీన్ ఏర్నేని, వై రవిశంకర్ నిర్మిస్తున్న ఈ చిత్రం ప్రస్తుతం నిర్మాణదశలో ఉంది. ఆగస్ట్ 15న విడుదల చేయనున్నట్టు నిర్మాతలు ప్రకటించారు కూడా. ఇప్పటికే ఈ సినిమాకు సంబంధించిన ప్రమోషన్స్ను మేకర్స్ మొదలుపెట్టారు. ఇప్పటివరకూ విడుదలైన ప్రచార చిత్రాలకు మంచి స్పందనే వచ్చింది. రష్మిక మందన్న పుట్టినరోజును పురస్కరించుకొని శుక్రవారం శ్రీవల్లి న్యూ లుక్ని మేకర్స్ విడుదల చేశారు. పట్టు వస్ర్తాలు, బంగారు ఆభరణాలు ధరించి, వెరైటీ ఎక్స్ప్రెషన్తో మెరిసిపోతున్నది అందాల రష్మిక. ఈ నెల 8న అల్లు అర్జున్ పుట్టినరోజు సందర్భంగా ఈ సినిమా టీజర్ను కూడా విడుదల చేయనున్నారు. ఫహాద్ ఫాజిల్, ధనుంజయ్, సునీల్, అనసూయ భరద్వాజ్ తదితరులు ఇతర పాత్రలు పోషిస్తున్న ఈ చిత్రానికి సంగీతం: దేవిశ్రీప్రసాద్, కెమెరా: మిరోస్లా క్యూబా బ్రోజెక్.
ఇదిలావుంటే.. రష్మిక పుట్టినరోజు సందర్భంగా మరో సినిమా లుక్ని కూడా మేకర్స్ విడుదల చేశారు. ఆ సినిమానే ‘ది గర్ల్ ఫ్రెండ్’. ప్రతిష్టాత్మక గీతా ఆర్ట్స్ సమర్పణలో మాస్ మూవీమేకర్స్, ధీరజ్ మొగిలినేని ఎంటర్టైన్మెంట్స్ కలిసి నిర్మిస్తున్న ఈ చిత్రంలో రష్మిక ప్రధాన పాత్ర పోషిస్తున్నారు. ఆమెకు జోడీగా ‘దసరా’ఫేం దీక్షిత్శెట్టి నటిస్తున్నారు. రాహుల్ రవీంద్రన్ దర్శకుడు. ఇందులో రష్మిక కాలేజ్ స్టూడెంట్గా కనిపించనుంది. ఇప్పటికే ఈ సినిమా చిత్రీకరణ 60శాతం పూర్తయిందని మేకర్స్ తెలిపారు.