Visit:
పవన్‌కల్యాణ్‌, సప్తగిరి, కసిరెడ్డి రాజ్‌కుమార్‌ ప్రధాన పాత్రల్లో నటిస్తున్న హాస్యభరిత చిత్రం ‘పురుష’. వీరు వులవల దర్శకుడు. కల్యాణ్‌ ప్రొడక్షన్స్‌ పతాకంపై బత్తుల కోటేశ్వరరావు నిర్మిస్తున్నారు. బుధవారం ఈ సినిమా ఫస్ట్‌లుక్‌ పోస్టర్‌ను దర్శకుడు శ్రీకాంత్‌ ఓదెల విడుదల చేశారు.
‘బ్రహ్మచారి భర్తగా మారాలని నిర్ణయించుకున్న తర్వాత జీవితం యుద్ధభూమిగా మారుతుంది’ అనే క్యాప్షన్‌తో పోస్టర్‌ ఆకట్టుకునేలా ఉంది. హాస్యప్రధానంగా సాగే చిత్రమిదని, త్వరలో విడుదల తేదీని ప్రకటిస్తామని మేకర్స్‌ తెలిపారు. వెన్నెల కిషోర్‌, వైష్ణవి కొక్కుర, విషిక, హాసిని తదితరులు నటిస్తున్న ఈ చిత్రానికి సంగీతం: శ్రవణ్‌ భరద్వాజ్‌, దర్శకత్వం: వీరు పులవల.
