RRR Budget | అంత భారీ బ‌డ్జెట్‌తో RRR సినిమాను తెర‌కెక్కించారా?

ఇండియాస్ మోస్ట్ యాంటిసిపేటెడ్ మూవీస్‌లో 'ట్రిపుల్ ఆర్' ఒక‌టి. 'బాహుబ‌లి' త‌ర్వాత ద‌ర్శ‌క ధీరుడు రాజ‌మౌళి ఈ చిత్రాన్ని తెరకెక్కించ‌డంతో ప్రేక్ష‌కుల‌లో భారీగా అంచ‌నాలు నెల‌కొన్నాయి.

RRR Budget | ఇండియాస్ మోస్ట్ యాంటిసిపేటెడ్ మూవీస్‌లో ‘ట్రిపుల్ ఆర్’ ఒక‌టి. ‘బాహుబ‌లి’ త‌ర్వాత ద‌ర్శ‌క ధీరుడు రాజ‌మౌళి ఈ చిత్రాన్ని తెరకెక్కించ‌డంతో ప్రేక్ష‌కుల‌లో భారీగా అంచ‌నాలు నెల‌కొన్నాయి. ఇదివ‌ర‌కే విడుద‌లైన ప్ర‌చార చిత్రాలు, గ్లింప్స్, ట్రైల‌ర్ సినిమాపై అంచ‌నాల‌ను రెట్టింపు చేశాయి. ‘ట్రిపుల్ఆర్’ చిత్రాన్ని మార్చి 25న విడుద‌ల చేయునున్న‌ట్లు మేక‌ర్స్ ఇప్ప‌టికే ప్ర‌క‌టించారు. ఈ క్ర‌మంలో చిత్ర‌ బృందం ప్ర‌స్తుతం ప్ర‌మోష‌న్ల‌ను జోరుగా జ‌రుపుతుంది. ప్ర‌మోషన్లో భాగంగా రాజ‌మౌళి ఈ చిత్రం గురించి కొన్ని ఆసక్తిక‌ర విష‌యాల‌ను వెల్ల‌డించాడు.

రాజ‌మౌళి మాట్లాడుతూ ‘ఈ చిత్రానికి ప్రొడ‌క్ష‌న్ కాస్ట్ సుమారు 550 కోట్ల వ‌ర‌కు అయింది, స‌రిగ్గా ఆ నెంబ‌ర్‌ నాకు కూడా తెలియ‌దు. అయితే, ఇప్ప‌టికే ఈ చిత్ర బిజినెస్ ద్వారా చాలా వ‌ర‌కు బ‌డ్జెట్ రిక‌వ‌రీ అయింద‌ని’ తెలిపాడు. డివివి ఎంట‌ర్టైన‌మెంట్స్ ప‌తాకంపై దాన‌య్య డివివి ఈ చిత్రాన్ని అత్యంత ప్ర‌తిష్టాత్మకంగా నిర్మించాడు. తాజాగా ఈ చిత్రం నుంచి విడుద‌లైన ‘ఎత్త‌ర జెండా’ పాట ప్రేక్ష‌కుల‌ను విప‌రీతంగా ఆక‌ట్టుకుంటుంది.

రామ్‌చ‌ర‌ణ్‌, జూ.ఎన్టీఆర్ ప్ర‌ధాన పాత్ర‌ల్లో న‌టించిన‌ ఈ చిత్రంలో రామ్‌చ‌ర‌ణ్ ‘అల్లూరి సీతారామ‌రాజు’ పాత్ర‌లో న‌టించ‌నుండగా.. ఎన్టీఆర్ ‘కొమ‌రం భీం’ పాత్ర‌లో న‌టిస్తున్నాడు. ఈ చిత్రానికి కీర‌వాణి స్వ‌రాల‌ను స‌మ‌కూర్చాడు. ఇప్ప‌టికే ‘దోస్తీ’, ‘నాటు నాటు’ పాట‌లు యూట్యూబ్‌లో మిలియ‌న్ల‌లో వ్యూస్‌ను సాధించాయి. ఈ చిత్రంలో బాలీవుడ్ స్టార్ అజ‌య్ దేవ‌గ‌న్ కీల‌క‌పాత్ర‌లో న‌టించాడు. ఆలియాభ‌ట్‌, ఒలీవియా మెర్రీస్ క‌థానాయిక‌లుగా న‌టించారు.