ప్రేమ కాదంట

అల్లు శిరీష్‌, అను ఇమ్మాన్యుయేల్‌ జంటగా నటిస్తున్న తాజా చిత్రానికి ‘ప్రేమ కాదంట’ అనే టైటిల్‌ను ఖరారు చేశారు. రాకేష్‌శశి దర్శకుడు. జీఏ2పిక్చర్స్‌, శ్రీ తిరుమల ప్రొడక్షన్స్‌ ప్రైవేట్‌ లిమిటెడ్‌ పతాకాలపై విజయ్‌.ఎం నిర్మిస్తున్నారు. అల్లు శిరీష్‌ పుట్టినరోజు సందర్భంగా ఆదివారం ఈ చిత్ర టైటిల్‌, ఫస్ట్‌లుక్‌ను విడుదలచేశారు. నిర్మాత మాట్లాడుతూ ‘న్యూ ఏజ్‌ రొమాంటిక్‌ లవ్‌ ఎంటర్‌టైనర్‌ ఇది. ఓ జంట ప్రణయప్రయాణానికి చక్కటి దృశ్యరూపంగా ఉంటుంది. అల్లు శిరీష్‌, అను ఇమ్మాన్యుయేల్‌ కెమిస్ట్రీ సినిమాకు ప్రధానాకర్షణగా నిలుస్తుంది. వినూత్నమైన కథాంశంతో దర్శకుడు రాకేష్‌ శశి ఈ చిత్రాన్ని తెరకెక్కిస్తున్నారు. ఫస్ట్‌లుక్‌ పోస్టర్స్‌కు చక్కటి స్పందన లభిస్తోంది. ఈ సినిమాకు సంబంధించిన మరిన్ని వివరాల్ని త్వరలో వెల్లడిస్తాం’ అని తెలిపారు. ఈ చిత్రానికి సంగీతం: అచ్చు రాజమణి, అనూప్‌ రూబెన్స్‌, ఛాయాగ్రహణం: తన్వీర్‌ మీర్‌, సమర్పణ: అల్లు అరవింద్‌.