Prashanth Varma | ప‌ది మంది హీరోయిన్ల‌తో ప్ర‌శాంత్ వ‌ర్మ కొత్త సినిమా?

Prashanth Varma Next Movie | విభిన్న క‌థ‌ల‌ను తెర‌కెక్కించే అతి కొద్ది మంది ద‌ర్శ‌కుల‌లో ప్ర‌శాంత్ వ‌ర్మ ఒక‌డు. ఈయ‌న సినిమాల‌లో క‌థ‌లు అవుట్ ఆఫ్ ది బాక్స్ అన్న‌ట్లు ఉంటాయి. హ‌లీవుడ్ త‌ర‌హా క‌థ‌ల‌ను ఎంచుకుంటూ ప్రేక్ష‌కుల‌ను త‌న టేకింగ్‌తో మాయ చేస్తాడు. ‘అ!’ సినిమాతో ద‌ర్శ‌కుడిగా కెరీర్‌ను ఆరంభించిన ప్ర‌శాంత్ వ‌ర్మ మొద‌టి సినిమాతోనే జాతీయ స్థాయిలో ప్ర‌శంస‌లు అందుకున్నాడు. ఆ త‌ర్వాత వ‌చ్చిన ‘క‌ల్కి’ కాస్త నిరాశ‌ ప‌రిచిన జాంబిరెడ్డి సినిమాతో ప్రేక్ష‌కుల‌ను విప‌రీతంగా ఆక‌ట్టుకున్నాడు. జాంబిరెడ్డి అనే సీరియ‌స్ క‌థ‌లో హ‌స్యాన్ని జోడించి క‌మ‌ర్షియ‌ల్ స‌క్సెస్‌ను అందుకున్నాడు.

ప్ర‌స్తుతం ఈయ‌న ‘హ‌ను-మాన్’ అనే సూప‌ర్ హీరో కాన్సెప్ట్‌తో సినిమాను చేశాడు . తేజ స‌జ్జా హీరోగా న‌టించిన ఈ చిత్రాన్ని ఇండియాస్ ఫ‌స్ట్ సూప‌ర్ హీరో అంటూ ప్ర‌మోట్ చేశాడు. షూటింగ్ పూర్తి చేసుకున్న ఈ చిత్రం ప్ర‌స్తుతం పోస్ట్ ప్రొడ‌క్ష‌న్ ప‌నుల‌ను జ‌రుపుకుంటుంది. దీని త‌ర్వాత ప్ర‌శాంత్, దాన‌య్య కొడుకును హీరోగా ఇంట్ర‌డ్యూస్ చేస్తూ ‘అధీరా’ అనే సినిమాను రూపొందిస్తున్నాడు. ఇది సెట్స్ పైన ఉండగానే ప్ర‌శాంత్ వ‌ర్మ మ‌రో సినిమాను ప్లాన్ చేస్తున్నాడు. విభిన్న క‌థ‌తో ఈ చిత్రం ఉండ‌బోతుంద‌ట‌. అంతేకాకుండా ఏకంగా 10 మంది హీరోయిన్ల‌తో ఈ సినిమాను ప్లాన్ చేశాడ‌ట‌. ఒక పాత్ర‌తో మ‌రో పాత్ర‌కు లింక్ చేస్తూ డిఫ‌రెంట్ స్క్రీన్‌ప్లే తో ఈ క‌థ‌ను రాసుకున్నాడ‌ట‌. ఇప్ప‌టికే ఒక పాత్ర కోసం అనుప‌మ‌ను సంప్ర‌దించ‌గా, త‌ను కూడా వెంట‌నే గ్రీన్ సిగ్న‌ల్ ఇచ్చింద‌ట‌. మ‌రో తొమ్మిది పాత్ర‌ల‌ను కూడా పేరున్న న‌టీమ‌ణుల‌నే ఎంపిక చేయాల‌ని ప్ర‌శాంత్ వ‌ర్మ భావిస్తున్నాడ‌ట‌.