Visit:
ప్రభాస్ కథానాయకుడిగా సందీప్రెడ్డి వంగా దర్శకత్వంలో రూపొందుతున్న యాక్షన్ ఎంటర్టైనర్ ‘స్పిరిట్’. ఇప్పటికే ఈ సినిమా తాలూకు ఓ షెడ్యూల్ పూర్తయింది. గతంలో విడుదల చేసిన ఆడియో గ్లింప్స్కి అద్భుత స్పందన రావడంతో సినిమాపై మరింతగా అంచనాలు పెరిగాయి. తాజాగా ఈ సినిమాలోని కీలకమైన యాక్షన్ ఘట్టాల కోసం హీరో ప్రభాస్ స్పెషల్ రిహార్సల్స్ చేయబోతున్నారట. కాప్ స్టోరీగా తెరకెక్కుతున్న ఈ సినిమాలో హై ఇంటెన్సిటీ యాక్షన్ సీక్వెన్సెస్ ఉంటాయని, అవే హైలైట్గా నిలుస్తాయని చెబుతున్నారు. దాంతో ఈ పోరాట ఘట్టాల్లో పర్ఫెక్షన్ కోసం ప్రభాస్ రిహార్సల్స్ చేస్తున్నారని తెలిసింది. ఈ సినిమాలో ప్రభాస్ చాలా వరకు బరువు తగ్గి కనిపిస్తారని, తొలిసారి పోలీస్ అధికారి పాత్రలో నటిస్తుండటంతో ఫిట్నెస్పై ఆయన ప్రత్యేక శ్రద్ధ తీసుకుంటున్నారని, ప్రభాస్ మేకోవర్ అందరినీ సర్ప్రైజ్ చేస్తుందని అంటున్నారు. టీ సీరిస్, భద్రకాళి ఫిల్మ్స్ ఈ చిత్రాన్ని నిర్మిస్తున్నాయి. వచ్చే ఏడాది మార్చి 5న ప్రేక్షకుల ముందుకురానుంది.
